শিৱসাগৰ, ২০ ফেব্ৰুৱাৰী (হি.স.)।চোৰাংচোৱাৰ পৰা লাভ কৰা গোপন তথ্য়ৰ ভিত্তিত আৰক্ষীৰ অভিযানত নাজিৰা শিমলুগুৰি আৰক্ষী থানাৰ সন্মুখত নিশা বৃহৎ পৰিমাণৰ ব্ৰাউন ছুগাৰ সহ এজন মেজিক চালকক আটক কৰিব সক্ষম হয় । দিৰ্ঘ দিনৰ পৰা তেওৰ মেজিক গাড়ী খনেৰে যাত্ৰী অনা নিয়াৰ চলেৰে গোপনে নিচাযুক্ত সামগ্ৰীৰ সৰবৰাহ কৰিছিল।

আটক কৰা মেজিক চালক জনৰ নাম জনকৈ গগৈ । শিৱসাগৰ নগৰৰ পলখনিৰ পৰা শিমলুগুৰি নগৰলৈ সৰবৰাহ কৰিছিল ব্ৰাউন ছুগাৰখিনি । মেজিকখনৰ নম্বৰ এএছ-০৪-এচি ৩৯১৬ ।আৰক্ষীৰ জিম্মাত থকা ড্ৰাগছ সৰবৰাহকাৰী জনক বৰ্তমান অধিক তথ্য় সংগ্ৰহ কৰিবলৈ জেৰা চলাই থকা হৈছে।

হিন্দুস্থান সমাচাৰ / নিৰ্মলেন্দু