বাৰাণসী, ০৮ জানুৱাৰী (হি.স.)। উত্তৰ প্ৰদেশৰ বাৰাণসীৰ চিগ্ৰাৰ ড০ সম্পূৰ্ণানন্দ ক্ৰীড়া ষ্টেডিয়ামত অনুষ্ঠিত হৈ থকা ৭২ সংখ্যক ছিনিয়ৰ ৰাষ্ট্ৰীয় ভলীবল চেম্পিয়নশ্বিপৰ পঞ্চম দিনা বৃহস্পতিবাৰে তামিলনাডু দলে মহিলা শাখাত আধিপত্য বিস্তাৰ কৰে। একপক্ষীয় প্ৰি কোৱাৰ্টাৰ ফাইনেল খেলত তামিলনাডুৱে তেলেংগানাক ৩-০ গ’লত পৰাস্ত কৰি কোৱাৰ্টাৰ ফাইনেলত প্ৰৱেশ কৰে।

খেলখনৰ আৰম্ভণিৰে পৰা তামিলনাডুৰ মহিলা খেলুৱৈসকলে আগ্ৰাসী খেল প্ৰদৰ্শন কৰাৰ ফলত তেলেংগানা দলে কোনো সুবিধা ল’ব নোৱাৰিলে। তামিলনাডুৱে পোনপটীয়া ছেটত জয়লাভ কৰে। গোটেই খেলখনত তামিলনাডুৰ চাৰ্ভ আৰু স্মেছ ইমানেই সঠিক আছিল যে কোনো ছেটতে দলটোৱে ১৫ পইন্টৰ সংখ্য়া অতিক্ৰম কৰিবলৈ সক্ষম নহ’ল। তৃতীয় ছেটত তামিলনাডুৱে মাত্ৰ ৮ পইণ্ট লাভ কৰি মেচখন সম্পূৰ্ণৰূপে নিয়ন্ত্ৰণ কৰে। এই জয়েৰে তামিলনাডুৱে প্ৰতিযোগিতাখনৰ পৰৱৰ্তী ৰাউণ্ড অৰ্থাৎ কোৱাৰ্টাৰ ফাইনেললৈ আগবাঢ়িছে। এতিয়া তেওঁলোকৰ দৃষ্টি খিতাপৰ ওপৰত, য’ত তেওঁলোকে পুলত শীৰ্ষ ছিড দলৰ সৈতে মুখামুখি হোৱাৰ সম্ভাৱনা আছে।

গুজৰাটৰ ওপৰত অগ্ৰগতি লাভ কৰিছে উত্তৰ প্ৰদেশে

আন এখন মহিলাৰ প্ৰি কোৱাৰ্টাৰ ফাইনেল খেলত উত্তৰ প্ৰদেশে শক্তিশালী আৰম্ভণি কৰে। গুজৰাটৰ বিৰুদ্ধে খেলি দলটোৱে প্ৰথম ছেটতে নিজৰ ছন্দ বিচাৰি উলিয়াই গুজৰাটক ২৫-১৬ ব্য়ৱধানত পৰাস্ত কৰি ১-০ ত অগ্ৰগতি লাভ কৰে। উত্তৰ প্ৰদেশৰ খেলুৱৈসকলে তেওঁলোকৰ উৎকৃষ্ট সমন্বয় আৰু নিখুঁত স্মাছেৰে গুজৰাটৰ ৰক্ষণভাগক ছিন্নভিন্ন কৰি পেলায়। প্লে অফত গুজৰাটক পৰাস্ত কৰি উত্তৰ প্ৰদেশে পৰৱৰ্তী ৰাউণ্ডলৈ আগবাঢ়িল। মহিলা শাখাত আজি সন্ধিয়া পৰৱৰ্তী ৰাউণ্ডত উত্তৰ প্ৰদেশৰ মহিলা দলে ওড়িশাৰ বিৰুদ্ধে খেলিব।

ইফালে পুৰুষৰ প্লে অফত কেৰালাই ছত্তীশগড়ক ৩-০ (২৫-১৬, ২৫-১৯, ২৫-১৫) ব্য়ৱধানত পৰাস্ত কৰি পৰৱৰ্তী ৰাউণ্ডলৈ আগবাঢ়ি যায়।

हिन्दुस्थान समाचार / মনোজ কুমাৰ শইকীয়া