গোলাঘাট, ০৭ জানুৱাৰী (হি.স.)। দেৰগাঁও সমষ্টিৰ এটা বিধস্ত পথে জলাকলা খুৱাইছে ৰাইজক । হাতিয়েখোৱা তিনিআলিৰ পৰা নাহৰণি চাৰিআলি সংযোগী গুৰুত্বপূৰ্ণ পথচোৱাৰ বিধস্ত ৰূপ। কাজিৰঙা সমষ্টিৰ সাংসদ কামাখ্যা প্ৰসাদ তাছাই ২৫ চনৰ মাৰ্চ মাহতেই আধাৰশিলা উদ্বোধন কৰিছিল পথচোৱাৰ ।

উপস্থিত আছিল দেৰগাঁও সমষ্টিৰ বিধায়ক ভবেন্দ্ৰ নাথ ভৰালীয়ো । সাংসদ তথা বিধায়কে আধাৰশিলা উদ্বোধন কৰিলে থিকেই কিন্তু,আজি পৰ্যন্ত নিৰ্মাণ কৰা নহ'ল এই গুৰুত্বপূৰ্ণ পথচোৱা। সাংসদ তথা বিধায়কৰ এনে মিথ্যাচাৰত এতিয়া ক্ষুব্ধ হৈ পৰিছে স্থানীয় ৰাইজ । চৰকাৰক ২৬' ৰ নিৰ্বাচনৰ আগতেই পথচোৱাৰ নিৰ্মাণ সম্পূৰ্ণ কৰাৰ দাবী ৰাইজৰ।

হিন্দুস্থান সমাচাৰ / কিশোৰ মিশ্ৰ