নতুন দিল্লী, ১৯ জানুৱাৰী (হি.স.)। ভাৰতীয় জনতা পাৰ্টিৰ কেন্দ্ৰীয় মুখ্য কাৰ্যালয়ত চলি থকা নিৰ্বাচনী প্ৰক্ৰিয়াত সোমবাৰে ৰাষ্ট্ৰীয় সভাপতি পদৰ বাবে মনোনয়ন দাখিল কৰে ভাৰতীয় জনতা পাৰ্টিৰ ৰাষ্ট্ৰীয় কাৰ্যকৰী সভাপতি নীতিন নবীনে।
বৰ্তমানৰ বিজেপিৰ সভাপতি জে পি নড্ডাই ছ’চিয়েল মিডিয়া প্লেটফৰ্ম এক্সত লিখিছে যে আজি দলটোৰ মুখ্য কাৰ্যালয়ত ৰাষ্ট্ৰীয় সভাপতি পদৰ বাবে বিজেপি সংসদীয় দলৰ সৈতে নীতিন নবীনে মনোনয়ন পত্ৰ দাখিল কৰে।
মনোনয়ন প্ৰক্ৰিয়াৰ সময়ত প্ৰতিৰক্ষা মন্ত্ৰী ৰাজনাথ সিং, গৃহমন্ত্ৰী অমিত শ্বাহ, কেন্দ্ৰীয় মন্ত্ৰী জে পি নড্ডা আৰু নীতিন গাডকাৰীৰ লগতে দলৰ কেইবাজনো জ্যেষ্ঠ নেতা উপস্থিত থাকে। বিভিন্ন ৰাজ্যৰ মুখ্যমন্ত্ৰী আৰু ৰাজ্যিক ইউনিটৰ মুৰব্বীসকলেও মুখ্য কাৰ্যালয়ত উপস্থিত হৈ এই প্ৰক্ৰিয়াত অংশগ্ৰহণ কৰে।
দলীয় সূত্ৰ অনুসৰি ৰাষ্ট্ৰীয় সভাপতি পদৰ একমাত্ৰ প্ৰাৰ্থী হৈছে নীতিন নবীন। সেয়ে তেওঁ বিনা প্ৰতিদ্বন্দ্বিতাৰে নিৰ্বাচিত হোৱা নিশ্চিত বুলি বিবেচিত হৈছে।
ইয়াৰ পূৰ্বে গুজৰাটৰ মুখ্যমন্ত্ৰী ভূপেন্দ্ৰ পেটেল, ছত্তীশগড়ৰ মুখ্যমন্ত্ৰী বিষ্ণু দেৱ ছাইকে ধৰি বিভিন্ন ৰাজ্যৰ নেতাই নীতিন নবিনৰ প্ৰতি সমৰ্থন পত্ৰ দাখিল কৰিছিল।
মন কৰিবলগীয়া যে ১৯৮০ চনৰ ৬ এপ্ৰিলত বিজেপি প্ৰতিষ্ঠা হোৱাত এতিয়ালৈকে দলটোৰ ৰাষ্ট্ৰীয় সভাপতি অটল বিহাৰী বাজপেয়ী, এল.কে. আদৱানী, মুৰলী মনোহৰ যোশী, কুশভাউ ঠাকৰে, বাংগাৰু লক্ষ্মণ, এম ভেংকয়া নাইডু, ৰাজনাথ সিং, নীতিন গাডকাৰী, অমিত শ্বাহ, আৰু জে পি নড্ডাই দায়িত্ব বহন কৰিছে। উল্লেখ্য যে ২০২০ ভাৰতীয় জনতা পাৰ্টিৰ নতুন সভাপতি হিচাপে জে পি নড্ডা নিৰ্বাচিত হয়। তেওঁ বিজেপিৰ একাদশ ৰাষ্ট্ৰীয় সভাপতি হিচাপে পৰিগণিত হয়।
हिन्दुस्थान समाचार / অৰৱিন্দ
