নতুন দিল্লী, ১৬ জানুৱাৰী (হি.স.)।প্ৰধানমন্ত্ৰী নৰেন্দ্ৰ মোদীয়ে অহা ১৭ আৰু ১৮ জানুৱাৰীত পশ্চিম বংগ আৰু অসম ভ্ৰমণলৈ যাব। এই ভ্ৰমণৰ সময়ত তেওঁ ৰে’ল, পথ আৰু জলপথৰ সৈতে জড়িত ১০ হাজাৰ কোটি টকাৰো অধিক মূল্যৰ উন্নয়নমূলক প্ৰকল্পৰ উদ্বোধন আৰু আধাৰশিলা স্থাপন কৰিব। শনিবাৰে প্ৰধানমন্ত্ৰীয়ে গুৱাহাটী আৰু হাওৰাৰ মাজত চলাচল কৰা দেশৰ প্ৰথমখন বন্দে ভাৰত শ্লীপাৰ ট্ৰেইনৰ ফ্লেগ অফ কৰিব। লগতে তেওঁ অসমৰ কাজিৰঙা এলিভেটেড কৰিডৰৰ ভূমি পূজন অনুষ্ঠানতো অংশগ্ৰহণ কৰিব।

প্ৰধানমন্ত্ৰীৰ কাৰ্যালয়ৰ তথ্য অনুসৰি শনিবাৰে প্ৰধানমন্ত্ৰীয়ে পশ্চিম বংগত ৩,২৫০ কোটি টকাৰ কেইবাটাও ৰে’ল আৰু পথ আন্তঃগাঁথনি প্ৰকল্পৰ আধাৰশিলা স্থাপন কৰিব। তেওঁ মালদা টাউন ষ্টেচনৰ পৰা হাওৰা-গুৱাহাটী (কামাখ্যা) বন্দে ভাৰত শ্লীপাৰ ট্ৰেইনখন কাৰ্যতঃ ফ্লেগ অফ কৰিব। এই সম্পূৰ্ণ শীততাপ নিয়ন্ত্ৰিত ৰে’লখনে দীৰ্ঘ দূৰত্বৰ যাত্ৰা আৰামদায়ক আৰু অৰ্থনৈতিকভাৱে লাভজনক কৰি তুলিব, যাৰ ফলত প্ৰায় ২.৫ ঘণ্টাৰ যাত্ৰাৰ সময় ৰাহি হ’ব।

পিছদিনা অৰ্থাৎ দেওবাৰে প্ৰধানমন্ত্ৰীয়ে হুগলী জিলাৰ চিংগুৰত ₹৮৩০ কোটিৰো অধিক মূল্যৰ বিভিন্ন উন্নয়নমূলক প্ৰকল্প উদ্বোধন কৰিব। তেওঁ বালাগড়ত আধুনিক বন্দৰ বৈদ্যুতিক কেটামাৰানৰ আধাৰশিলা স্থাপন কৰিব, যাৰ ফলত আভ্যন্তৰীণ জল পৰিবহণ বৃদ্ধি পাব আৰু কলকাতাৰ পথত যানজঁট হ্ৰাস পাব।

প্ৰধানমন্ত্ৰীয়ে বংগৰ পৰা মুঠ ৭খন অমৃত ভাৰত এক্সপ্ৰেছ ৰে’লৰ ফ্লেগ অফ কৰিব। এই ৰে’লসমূহে নিউ জলপাইগুৰি, আলিপুৰদুৱাৰ, আৰু মালদাৰ দৰে চহৰক বেংগালুৰু, মুম্বাই, চেন্নাইৰ দৰে মহানগৰৰ সৈতে সংযোগ কৰিব। তেওঁ এই অমৃত ভাৰত এক্সপ্ৰেছ ৰে’লৰ তিনিখন ৰে’লৰ ফ্লেগ অফ কৰিব আৰু আন চাৰিখনক ভাৰ্চুৱেলি ফ্লেগ অফ কৰিব।

কলকাতাত উপস্থিত হোৱাৰ পিছত প্ৰধানমন্ত্ৰীয়ে ফ্লেগ অফ কৰিব নতুন অমৃত ভাৰত এক্সপ্ৰেছ ৰে’ল: কলকাতা (হাওৰা)-আনন্দ বিহাৰ টাৰ্মিনেল, কলকাতা (ছিয়ালদাহ)-বাৰাণসী, আৰু কলকাতা (সন্ত্ৰগাছি)-তাম্বৰাম।

অহা ১৭ আৰু ১৮ জানুৱাৰীত অসমত অনুষ্ঠিত হ'বলগীয়া সাংস্কৃতিক ঐতিহ্য আৰু বন্যপ্ৰাণী সংৰক্ষণ কাৰ্যসূচীতো অংশগ্ৰহণ কৰিব প্ৰধানমন্ত্ৰীয়ে। শনিবাৰে সন্ধিয়া গুৱাহাটীৰ সৰুসজাই ষ্টেডিয়ামত বডো সম্প্ৰদায়ৰ ঐতিহাসিক সাংস্কৃতিক অনুষ্ঠান বাগুৰুম্বা দ্বহৌ ২০২৬ত অংশগ্ৰহণ কৰিব।

প্ৰকৃতি আৰু মানৱতাৰ সমন্বয়ৰ প্ৰতীক পৰম্পৰাগত বাগুৰুম্বা নৃত্য প্ৰদৰ্শন কৰিব ১০ হাজাৰৰো অধিক শিল্পীয়ে। পিছদিনা দেওবাৰে প্ৰধানমন্ত্ৰীয়ে কলিয়াবৰত ৬,৯৫০ কোটি ₹ৰো অধিক ব্যয় সাপেক্ষে কাজিৰঙা এলিভেটেড কৰিডৰৰ ভূমি পূজন অনুষ্ঠান পৰিৱেশন কৰিব। ৮৬ কিলোমিটাৰ দৈৰ্ঘ্যৰ এই কৰিড’ৰটোৱে কাজিৰঙা ৰাষ্ট্ৰীয় উদ্যানৰ জীৱ-জন্তুক পথ দুৰ্ঘটনাৰ পৰা ৰক্ষা কৰাৰ লগতে স্বাভাৱিক প্ৰব্ৰজনৰ বাবে বাধাহীন পথৰ ব্যৱস্থা কৰিব।

নগাঁও জিলাৰ কলিয়াবৰত প্ৰধানমন্ত্ৰীয়ে নগাঁও জিলাৰ কলিয়াবৰত দুখন নতুন অমৃত ভাৰত এক্সপ্ৰেছ (গুৱাহাটী-ৰোহটক আৰু ডিব্ৰুগড়-লক্ষ্ণৌ)ৰ ফ্লেগ অফ কৰি উত্তৰ ভাৰতৰ সৈতে উত্তৰ-পূৰ্বাঞ্চলৰ সংযোগ আৰু অধিক সুদৃঢ় কৰি তুলিব।

हिन्दुस्थान समाचार / অৰৱিন্দ