কামৰূপ, ১৬ জানুৱাৰী (হি.স.)। বাইহাটা চাৰিআলিৰ মাজেৰে অব্যাহত আছে গৰুৰ চোৰাং সৰবৰাহ । বিগত সময়ছোৱাত বহু কেইখন গৰু সৰবৰাহ কৰা বাহন জব্দ কৰাৰ লগতে আটক কৰিছিল গৰু সৰবৰাহকাৰি । পুনৰ বাইহাটা চাৰিআলি আৰক্ষীয়ে এক গোপন সুত্ৰৰ পম খেদি আজি জব্দ কৰে ৯টা গৰু সৰবৰাহ কৰা বলেৰো পিক ভান আৰু গৰু সৰবৰাহ কৰা কামত ব্যৱহাৰ কৰা অন্য এখন বাহন ।

লগতে আটক কৰে তিনিজন সৰবৰাহকাৰি । খাৰুপেটিয়াৰ পৰা সৰবৰাহ কৰি আনিছিল গৰু কেইটা । গৰু সৰবৰাহ কাৰ্যত ব্যৱহাৰ কৰা বাহন দুখনৰ নম্বৰ ক্ৰমে এ এছ ১৩চি ৭৫১৩ আৰু এ এছ ০১এফ এফ ০৪৪৫ । সৰবৰাহকাৰি কেইজন ক্ৰমে আজমল আলী , গফুৰ আলী আৰু জিয়াউল হক ।আটাইকেইজনৰ ঘৰ দৰং জিলাত ।

জানিব পৰা মতে মহবুব হুছেইন নামৰ ব্যক্তি গৰাকীয়ে দীৰ্ঘদিন কামৰূপ জিলা মন্দাকটাৰ পৰা গৰু সৰবৰাহ কৰি আহিছিল । গৰু সৰবৰাহ মাষ্টাৰ মাইণ্ড মহুবুব হুছেইনৰ গৰু সহ তিনিজন লোকক আটক কৰে বাইহাটা চাৰিআলিৰ থানাৰ ভাপ্ৰাপ্ত আৰক্ষী বিষ়ায়া অনুপ জ্যোতি পতেৰীয়ে।

হিন্দুস্থান সমাচাৰ / কিশোৰ মিশ্ৰ