গ্ল’বেল আইকন প্ৰিয়ংকা চোপ্ৰা পুনৰবাৰ নিজৰ শক্তিশালী অভিনয়েৰে দৰ্শকক চকু কপালত তুলিবলৈ সাজু হৈছে। তেওঁৰ আগন্তুক ছবি দ্য ব্লাফৰ ট্ৰেইলাৰ মুকলি কৰা হৈছে, য'ত তেওঁৰ চৰিত্ৰ এৰশ্বেল ব্লাডি মেৰী বাউডেনৰ প্ৰথম আভাস পোৱা গৈছে। ১৮ শতিকাত পৰিৱেশিত প্ৰিয়ংকাৰ এই বিপজ্জনক আৰু নিৰ্ভীক অৱতাৰে দৰ্শকক মোহিত কৰিছে।
প্ৰিয়ংকাৰ সৈতে হলিউডৰ অভিনেতা কাৰ্ল আৰ্বানেও এক গুৰুত্বপূৰ্ণ চৰিত্ৰত অভিনয় কৰিছে। ট্ৰেইলাৰত দুয়োৰে মাজত তীব্ৰ একচন আৰু সংঘাত প্ৰদৰ্শন কৰা হৈছে, যিয়ে ৰোমাঞ্চকৰ কাহিনীটোক আৰু অধিক জোৰদাৰ কৰি তুলিছে।
“পাইৰেটছ অৱ দ্য কেৰিবিয়ান”ৰ কথা মনত পেলোৱা ট্ৰেইলাৰটোত প্ৰিয়ংকাৰ উগ্ৰ আৰু শক্তিশালী দিশটো প্ৰকাশ পাইছে “দ্য ব্লাফ”ত, য’ত তেওঁ পৰিয়ালক সুৰক্ষা দিবলৈ পাইৰেটৰ সৈতে যুঁজিছে। তাইৰ তৰোৱাল যুঁজ আৰু তীব্ৰ একচন ছিকুৱেন্স গাৰ নোম ঠিয় কৰাই তোলে। এই ট্ৰেইলাৰক লৈ ছ’চিয়েল মিডিয়াত প্ৰতিক্ৰিয়াৰ সৃষ্টি হৈছে।
উল্লেখযোগ্য যে অহা ২৫ ফেব্ৰুৱাৰীত আমাজন প্ৰাইম ভিডিঅ'ত মুক্তি পাব দ্য ব্লাফ ছবিখন। প্ৰিয়ংকা চোপ্ৰাৰ এই নতুন অৱতাৰক লৈ দৰ্শকৰ মাজত প্ৰচণ্ড উৎসাহ দেখা পোৱা গৈছে।
हिन्दुस्थान समाचार / অৰৱিন্দ
