কাঠমাণ্ডু, ১৫ জানুৱাৰী (হি.স.)। ৰাষ্ট্ৰীয় স্বতন্ত্ৰ দলৰ সভাপতি তথা প্ৰাক্তন উপ-প্ৰধানমন্ত্ৰী ৰবি লামিচানেৰ বিৰুদ্ধে সমবায় জালিয়াতি, ধন সৰবৰাহৰ, সংগঠিত অপৰাধৰ গোচৰ প্ৰত্যাহাৰ কৰাৰ সিদ্ধান্তৰ তীব্ৰ প্ৰতিবাদ কৰিছে নেপালৰ জেন জি আন্দোলনে।

বৃহস্পতিবাৰে জাৰি কৰা এক বিবৃতিত সংগঠনটোৱে এটৰ্নী জেনেৰেলে অপৰাধীক সুৰক্ষা দি আইনৰ আধিপত্য ভেঙুচালি কৰাৰ অভিযোগ উত্থাপন কৰে। সংগঠনটোৱে কয় যে এনে কাৰ্য গণতান্ত্ৰিক মূল্যবোধ, ভুক্তভোগীৰ ন্যায়ৰ অধিকাৰ, ৰাষ্ট্ৰৰ দায়িত্বৰ বিৰুদ্ধে। বিবৃতিটোত এইটোও সোঁৱৰাই দিয়া হৈছে যে ইতিমধ্যে এটৰ্নী জেনেৰেল সবিতা ভাণ্ডাৰীক শীঘ্ৰে অপসাৰণৰ আহ্বান জনোৱা হৈছে যদিও এতিয়া গুৰুতৰ অপৰাধৰ সৈতে জড়িত এটা দলক অবৈধভাৱে সুৰক্ষা দিয়াৰ অভিযোগ উত্থাপন হৈছে।

সংগঠনটোৱে লগতে কয় যে সুশাসন আৰু আইনৰ শাসনৰ আন্দোলন হিচাপে পৰিগণিত হোৱা জেন জি আন্দোলনে ৭৬ জন লোকৰ প্ৰাণ কাঢ়ি নিয়াৰ লগতে ৩ হাজাৰৰো অধিক লোক আহত হয়। এনে ঐতিহাসিক বলিদানক আওকাণ কৰি অপৰাধীক ৰক্ষা কৰাটো অতি আপত্তিজনক। ৯ ছেপ্টেম্বৰৰ পৰিঘটনাৰ কথা উল্লেখ কৰি অভিযোগ উঠিছিল যে লামিচানেৰ দলটোৱে ক্ষমতা দখল কৰাৰ লক্ষ্যৰে কাৰাগাৰত অনুপ্ৰৱেশ কৰি বন্দীসকলক মুক্ত কৰি দেশজুৰি অৰাজকতা বিয়পাইছিল। সংগঠনটোৱে কয় যে সমবায় প্ৰৱঞ্চনাৰ বলি হোৱা লাখ লাখ লোকে এতিয়াও ন্যায়ৰ বাবে অপেক্ষা কৰি আছে, আৰু বহুতেই তীব্ৰ মানসিক আৰু শাৰীৰিক কষ্টৰ সন্মুখীন হৈছে।

বিবৃতিটোত এই আইনখন সকলোৰে বাবে সমান হ’ব লাগিব বুলিও উল্লেখ কৰা হৈছে। শক্তিশালীসকলৰ বাবে বিশেষাধিকাৰ আৰু ভুক্তভোগীৰ বাবে মৌনতা গ্ৰহণযোগ্য নহয়। সংগঠনটোৱে প্ৰধানমন্ত্ৰী সুশীলা কাৰ্কী আৰু তেওঁ নিযুক্তি দিয়া এটৰ্নী জেনেৰেলৰ বিৰুদ্ধে ৰাজহুৱা বৰ্জন আৰু নাগৰিক অবাধ্যতাৰ আহ্বান জনায়। ইয়াৰ উপৰিও অপৰাধীক সুৰক্ষা দিয়াৰ সংস্কৃতিৰ শীঘ্ৰে অন্ত পেলোৱা, এটৰ্নী জেনেৰেলক অপসাৰণ কৰা, সমবায় জালিয়াতিৰ বলি হোৱা লোকসকলৰ বাবে নিৰপেক্ষ ন্যায় নিশ্চিত কৰাৰ দাবী জনায়।

हिन्दुस्थान समाचार / অৰৱিন্দ