নতুন দিল্লী, ১৩ জানুৱাৰী (হি.স.)। বিকাশিত ভাৰত ইয়ং লিডাৰ্ছ ডায়ল’গ (যুৱ নেতা আলোচনা)ত প্ৰধানমন্ত্ৰী নৰেন্দ্ৰ মোদীয়ে যুৱক-যুৱতীক দেশৰ সৃষ্টিশীল শক্তিৰ কেন্দ্ৰ বুলি অভিহিত কৰি বিশ্ব মঞ্চত বিষয়বস্তু, সৃষ্টিশীলতা, পৰৱৰ্তী প্ৰজন্মৰ সংস্কাৰ, ভাৰতীয় সাংস্কৃতিক ঐতিহ্যৰ প্ৰচাৰৰ আহ্বান জনায়।
এক্সৰ ওপৰত পৃথক পৃথক পোষ্টত প্ৰধানমন্ত্ৰীয়ে কয় যে বিগত ১১ বছৰত দেশৰ প্ৰতিটো খণ্ডতে সুযোগৰ অসীম দুৱাৰ মুকলি হৈছে। কন্টেন্ট আৰু সৃষ্টিশীলতা খণ্ডৰ কথা উল্লেখ কৰি তেওঁ কয় যে যুৱক-যুৱতীসকলেও ৰামায়ণ আৰু মহাভাৰতৰ প্ৰেৰণাদায়ক কাহিনীক গেমিং জগতত সন্নিৱিষ্ট কৰিব পাৰে। হনুমান জীৰ দৰে চৰিত্ৰই বিশ্বজুৰি গেমিং উদ্যোগক গঢ় দিব পাৰে।
প্ৰধানমন্ত্ৰীয়ে কয় যে যি ধাৰাবাহিকভাৱে আৰম্ভ কৰা পৰৱৰ্তী প্ৰজন্মৰ সংস্কাৰসমূহে এতিয়া ৰিফৰ্ম এক্সপ্ৰেছৰ ৰূপ লৈছে, আৰু ইয়াৰ মূলতে আছে দেশৰ যুৱ শক্তি।
আন এটা পোষ্টত প্ৰধানমন্ত্ৰীয়ে কয় যে দেশখনে দাসত্বৰ মানসিকতাক অতিক্ৰম কৰি নিজৰ ঐতিহ্য আৰু ধাৰণাক আগুৱাই নিব লাগিব। তেওঁ কয় যে স্বামী বিবেকানন্দৰ জীৱনেও যুৱক-যুৱতীসকলক একে বাৰ্তা দিয়ে।
हिन्दुस्थान समाचार / মনোজ কুমাৰ শইকীয়া
