ওদালগুৰি, ১৩ জানুৱাৰী (হি.স.)। ওৰাং আৰক্ষীৰ অভিযানত পুনৰ ১৪৯ কিলোগ্ৰাম নিষিদ্ধ গাঞ্জা জব্দ। এজন গাঞ্জা ব্যৱসায়িক আটক আৰক্ষীৰ।
ওদালগুৰি জিলাৰ ওৰাং আৰক্ষীৰ অভিযানত পুনৰ গাঞ্জা জব্দ | অভিযানত ১৪৯ কেজি নিষিদ্ধ গাঞ্জা জব্দ কৰে ওৰাং আৰক্ষীয়ে | ওৰাং আৰক্ষীৰ গোপন অভিযানত ওৰাঙৰ গেলাবিল অঞ্চলৰ মোৱামাৰী গাওঁৰ পৰা জব্দ হয় গাঞ্জা খিনি। গাঞ্জা ব্যৱসায়িৰ লগত জড়িত এজনক আটক কৰিছে আৰক্ষীয়ে। আটকধীন লোকজনে গাঞ্জা খিনি অৰুণাচল প্ৰদেশ পৰা এ এছ ০১ ডি ভি ১৩০২ নম্বৰৰ বাহনেৰে কঢ়িয়াই আনি থকা অৱস্থাত ওৰাঙৰ গেলাবিলৰ মোৱামাৰী গাওঁৰ পৰা বাহন সহ জব্দ কৰে গাঞ্জা খিনি । গাঞ্জা ব্যৱসায়ৰ লগত জড়িত থকা নিতুল বসুমতাৰী (৪৬) নামৰ এজন লোকক আটক কৰে ওৰাং আৰক্ষীয়ে। ওৰাং আৰক্ষীয়ে ০৫/২৬ নম্বৰত এটা কেচ ৰোজু কৰি তদন্ত চলাই আছে বুলি জানিব পৰা গৈছে।
হিন্দুস্থান সমাচাৰ / নিৰ্মলেন্দু
