নতুন দিল্লী, ৩০ ছেপ্টেম্বৰ (হি.স.)। কংগ্ৰেছৰ প্ৰাক্তন সভাপতি তথা লোকসভাত বিৰোধী দলৰ নেতা ৰাহুল গান্ধীয়ে লাডাখৰ হিংসাত নিহত হোৱা জোৱান চেৱাং থাচিনৰ পিতৃৰ দুখ প্ৰকাশ কৰি কেন্দ্ৰীয় চৰকাৰৰ পৰা বিষয়টোৰ ন্যায়িক তদন্তৰ দাবী জনায়। তেওঁ কয় যে লাডাখত এজন দেশপ্ৰেমিক জোৱানক যি ধৰণে হত্যা কৰা হৈছে সেয়া কেৱল মৰ্মান্তিক নহয়, গণতান্ত্ৰিক মূল্যবোধৰ ওপৰতো আক্ৰমণ।

মঙলবাৰে ৰাহুল গান্ধীয়ে টুইটাৰত চেৱাং থাচিনৰ পিতৃৰ এটা ভিডিঅ’ শ্বেয়াৰ কৰি কয় যে পিতৃজন সৈনিক, আৰু পুত্ৰও সৈনিক, দেশপ্ৰেম তেওঁলোকৰ তেজত চলি আছে। তথাপি কেৱল লাডাখ আৰু নিজৰ অধিকাৰৰ পক্ষত থিয় দিয়াৰ বাবেই এই ৰাষ্ট্ৰৰ বীৰ পুত্ৰক গুলীয়াই হত্যা কৰা হৈছিল। কেন্দ্ৰীয় চৰকাৰক এই ঘটনাৰ নিৰপেক্ষ ন্যায়িক তদন্ত কৰি দোষীক কঠোৰ শাস্তি প্ৰদান কৰিবলৈ দাবী জনায়।

ভিডিঅ'টোত মৃত চেৱাং থাচিনৰ পিতৃয়ে প্ৰশ্ন কৰে, এজন আৰক্ষী বিষয়া বা আৰক্ষী অধীক্ষকে তেওঁলোকৰ সন্তানৰ মৃত্যু হ'লে কি ভাবে? স্থানীয় বা দুখীয়াৰ সন্তানৰ মৃত্যু হ'লে ইমান গুৰুত্বপূৰ্ণ নেকি? তেওঁলোকে দুখীয়াক হত্যা কৰাটো সহজ বুলি ভাবে নহয়নে? নিজৰ সন্তানৰ কান্দোন একেদৰে সহ্য কৰিব পাৰিবনে? আমি সকলো জানো। মই নিজেও ৩২ বছৰ সেৱা আগবঢ়াইছো আৰু প্ৰতিটো কঠিন ঠাইত সেৱা আগবঢ়াইছো। পাঁচখন দেশৰ সীমান্তত থকা অঞ্চলত মই চাৰিবাৰ সেৱা আগবঢ়াইছো: ভাৰত, চীন, পাকিস্তান, ৰাছিয়া, আৰু আফগানিস্তান। মই এই ঠাইবোৰত সেৱা আগবঢ়াইছো, য’ত তাপমাত্ৰা মাইনাছ ৩৫ ডিগ্ৰীলৈ নামি আহিল আৰু খোৱাপানীও নাছিল। আমি বৰফ ভাঙি গলাই খাদ্য ৰান্ধিছিলো আৰু আমাৰ স্বাস্থ্যৰ যত্ন লৈছিলো। এনে কঠিন পৰিস্থিতিত মই কাম কৰিছো। আৰু এই মানুহবোৰে কি জানে?

हिन्दुस्थान समाचार / মনোজ কুমাৰ শইকীয়া