নিউয়ৰ্ক, ২৭ ছেপ্টেম্বৰ (হি.স.)। কৰিছে। এক যৌথ বিবৃতিত চাৰিখন দেশে আল কায়দা, তেহৰিক-ই-তালিবান পাকিস্তান (টিটিপি), বেলুচিস্তান লিবাৰেচন আৰ্মী (বিএলএ) আদি সন্ত্ৰাসবাদী সংগঠনৰ নাম উল্লেখ কৰিছে। ৰাষ্ট্ৰসংঘৰ সাধাৰণ পৰিষদৰ ৮০ সংখ্যক অধিৱেশনৰ সময়ত ৰাছিয়াৰ তত্বাৱধানত অনুষ্ঠিত হোৱা আফগানিস্তান সন্দৰ্ভত তেওঁলোকৰ চতুৰ্থ চতুৰ্ভুজ বৈঠকৰ পিছতে এই বিবৃতি প্ৰকাশ কৰা হৈছে।
পাকিস্তানৰ জিঅ’ নিউজ চেনেলৰ এক প্ৰতিবেদন অনুসৰি বৈঠক সমাপ্ত হোৱাৰ কিছু সময়ৰ পাছতে এই বিবৃতি জাৰি কৰা হৈছে। চাৰিখন দেশে আফগানৰ অৱনতি ঘটা পৰিস্থিতিৰ পৰ্যালোচনা কৰি সকীয়াই দিয়ে যে সন্ত্ৰাসবাদী গোটসমূহে আঞ্চলিক আৰু বিশ্ব নিৰাপত্তাৰ বাবে গুৰুতৰ ভাবুকি কঢ়িয়াই আনিছে। বিবৃতিটোত আফগান শাসকসকলক সন্ত্ৰাসবাদী সংগঠনৰ বিৰুদ্ধে ফলপ্ৰসূ ব্যৱস্থা গ্ৰহণ কৰিবলৈ আৰু তেওঁলোকৰ প্ৰশিক্ষণ শিবিৰসমূহ ভাঙি পেলাবলৈ আহ্বান জনোৱা হৈছে।
পাকিস্তানে অভিযোগ কৰিছে যে ২০২১ চনত তালিবান শাসকসকল আফগানিস্তানলৈ ঘূৰি অহাৰ পিছত সীমা অতিক্ৰম কৰি সন্ত্ৰাসবাদীৰ কাণ্ড বৃদ্ধি পাইছে। দুয়োখন দেশৰ সীমা প্ৰায় ২৫০০ কিলোমিটাৰ। ইয়াৰ কেইবাটাও ক্ৰছিং পইণ্ট আছে। যৌথ বিবৃতিত আফগানিস্তানক “সন্ত্ৰাসবাদ, যুদ্ধ আৰু নিচাযুক্ত দ্ৰব্যৰ পৰা মুক্ত স্বতন্ত্ৰ, সংযুক্ত আৰু শান্তিপূৰ্ণ ৰাষ্ট্ৰ” হিচাপে সমৰ্থন পুনৰ দৃঢ় কৰা হৈছে। চাৰিও পক্ষই আফিং পপিৰ খেতি হ্ৰাস কৰাৰ বাবে কাবুলৰ প্ৰচেষ্টাক আদৰণি জনায় যদিও মেথামফেটামাইনৰ দৰে কৃত্ৰিম ঔষধৰ ক্ৰমবৰ্ধমান ব্যৱহাৰক লৈ উদ্বেগ প্ৰকাশ কৰে।
हिन्दुस्थान समाचार / মনোজ কুমাৰ শইকীয়া
