ৱাশ্বিংটন (আমেৰিকা), ২৫ ছেপ্টেম্বৰ (হি.স.)। হোৱাইট হাউছ অফিচ অৱ মেনেজমেণ্ট এণ্ড বাজেটে (অ’এমবি) ফেডাৰেল সংস্থাসমূহক সম্ভাৱ্য চৰকাৰী শ্বাটডাউনৰ ক্ষেত্ৰত বৃহৎ পৰিসৰৰ ছুটীৰ বাবে নিৰ্দেশনা জাৰি কৰিছে। বিশেষকৈ যিসকল কৰ্মচাৰীক আইনগতভাৱে থাকিবলৈ বাধ্য নহয়, তেওঁলোকক লক্ষ্য কৰি কৰ্মচাৰী হ্ৰাসৰ বাবে এক কাঠামো প্ৰস্তুত কৰিবলৈ অ’এমবিয়ে তেওঁলোকক নিৰ্দেশ দিছে।

আমেৰিকাৰ ডিজিটেল বাতৰি কাকত পলিটিকোত প্ৰকাশিত এক প্ৰতিবেদন অনুসৰি আজি নিশা সংস্থাসমূহক প্ৰদান কৰা অফিচ অৱ মেনেজমেণ্ট এণ্ড বাজেটৰ গাইডলাইনৰ প্ৰতিলিপি পলিটিকোৱে লাভ কৰিছে। এই গাইডলাইনসমূহে অহা সপ্তাহত সম্ভাৱ্য চৰকাৰী বন্ধৰ ভয়ংকৰ ৰূপ ধাৰণ কৰিছে। এই ব্যৱস্থাটো যোৱা দশকবোৰত বন্ধৰ সৈতে মোকাবিলা কৰিবলৈ ব্যৱহাৰ কৰা অন্যতম পদ্ধতি যদিও ইয়াৰ প্ৰভাৱ অস্থায়ী কৰ্মচাৰীসকলক প্ৰায়ে প্ৰভাৱিত কৰিছে। কিন্তু এনে পৰিস্থিতিত কংগ্ৰেছে ভোটদান কৰি পুঁজি পুনৰ ঘূৰাই অনাৰ পিছত এই কৰ্মচাৰীসকলক প্ৰায়ে পুনৰ আহ্বান কৰা হৈছিল।

এইবাৰ অ’এমবিৰ সঞ্চালক ৰাছ ভ’টে স্থায়ী কৰ্মচাৰীক চাকৰিৰ পৰা বৰ্খাস্ত কৰি চাকৰি কৰ্তনৰ ভাবুকিৰ সহায় লৈ কংগ্ৰেছৰ ডেম’ক্ৰেটসকলৰ সৈতে চৰকাৰী ব্যয়ক লৈ হোৱা তৰ্কযুদ্ধ আৰু অধিক তীব্ৰতৰ কৰি তুলিছে। অ’এমবিৰ কপিত লিখা আছে, “যিবোৰ কাৰ্যসূচী বাধ্যতামূলক ব্যয়ৰ পৰা লাভৱান নহয়, সেইবোৰে বন্ধৰ বোজা বহন কৰিব।” সংস্থাসমূহক নিজৰ প্ৰস্তাৱিত চাকৰিচ্যুতিৰ পৰিকল্পনা অ’এমবিত দাখিল কৰাৰ লগতে কৰ্মচাৰীসকলক জাননী জাৰি কৰিবলৈ নিৰ্দেশ দিয়া হৈছে।

অ’এমবিৰ এজন বিষয়াৰ মতে, এই শ্বাটডাউনৰৰ ফলত সামাজিক সুৰক্ষা, মেডিকেয়াৰ, প্ৰবীণ সৈনিক, সামৰিক অভিযান, আইন প্ৰয়োগকাৰী সংস্থা, ইমিগ্ৰেচন আৰু শুল্ক প্ৰৱৰ্তন, শুল্ক আৰু সীমান্ত সুৰক্ষা, আৰু বিমান পৰিবহণ নিয়ন্ত্ৰণৰ ওপৰত আটাইতকৈ বেছি প্ৰভাৱ পৰিব। ৩০ ছেপ্টেম্বৰত বিত্তীয় বৰ্ষ শেষ হোৱাৰ মাত্ৰ কেইদিনমান পূৰ্বে কেপিটেল হিলৰ ৰিপাব্লিকান আৰু ডেম’ক্ৰেটসকলে পুঁজিৰ অচলাৱস্থাত আবদ্ধ হৈ থকাৰ সময়তে এই নিৰ্দেশনা দিয়া হৈছে। ৰিপাব্লিকানসকলক দ্বিপাক্ষিক পেকেজৰ আলোচনা কৰিবলৈ আলোচনাৰ টেবুললৈ আহিবলৈ দাবী জনাইছে।

অ’এমবিৰ গাইডেন্সত উল্লেখ কৰা হৈছে যে যদিহে ৩০ ছেপ্টেম্বৰৰ পূৰ্বে কংগ্ৰেছে সফলতাৰে স্বচ্ছ অস্থায়ী বিধেয়ক গৃহীত কৰে তেন্তে ইমেইলত উল্লেখ কৰা অতিৰিক্ত পদক্ষেপৰ প্ৰয়োজন নহ’ব। এই অ’এমবিৰ পদক্ষেপে পূৰ্বৰ বন্ধৰ অচলাৱস্থাৰ সময়ত কিছুমান ডেম’ক্ৰেট, বিশেষকৈ ছিনেটৰ সংখ্যালঘু নেতা ছাক শ্বুমাৰৰ সতৰ্কবাণীক বৈধতা প্ৰদান কৰা যেন লাগে। সেই সময়ত শ্বুমাৰে ৰিপাব্লিকান পাৰ্টিক লিখিতভাৱে ব্যয়ৰ বিল গৃহীত কৰিবলৈ অনুমতি দিয়াৰ প্ৰস্তাৱ দিছিল। তেওঁ যুক্তি দিছিল যে বন্ধ কৰাটো এটা “উপহাৰ” হ’ব যিয়ে ট্ৰাম্প আৰু তেওঁৰ ডেপুটিসকলক “বৰ্তমান সক্ষম হোৱাতকৈ বহু বেছি দ্ৰুতগতিত গুৰুত্বপূৰ্ণ চৰকাৰী সেৱাসমূহ ধ্বংস কৰিবলৈ” অনুমতি দিব।

শ্বুমাৰে এই ধাৰণাটো পৰিত্যাগ কৰি এই মাহত কয় যে ফেডাৰেল সংস্থাসমূহৰ ওপৰত প্ৰশাসনৰ আক্ৰমণ “বন্ধৰ লগে লগে বা বন্ধ নোহোৱাকৈয়ে আৰু বেয়া হ’ব, কাৰণ ট্ৰাম্প আইনহীন।” পলিটিকোৰ প্রতিবেদন দেখি তেওঁ এই মত পুনৰাবৃত্তি কৰে৷ তেওঁ কয়, এয়া নতুন কথা নহয় আৰু চৰকাৰী পুঁজিৰ সৈতেও ইয়াৰ কোনো সম্পৰ্ক নাই। ছুটীৰ ক্ষেত্ৰত প্ৰশাসনে বিচাৰত থিয় দিব নোৱাৰিব। হাউছ মাইনোৰিটি নেতা হাকিম জেফ্ৰিছে ছুটীৰ পৰিকল্পনাক তীব্ৰ সমালোচনা কৰিছে।

উল্লেখযোগ্য যে অ’এমবি আমেৰিকাৰ ৰাষ্ট্ৰপতিৰ কাৰ্যবাহী কাৰ্যালয়ৰ ভিতৰত আটাইতকৈ ডাঙৰ কাৰ্যালয়। এই কাৰ্যালয়ে কাৰ্যবাহী শাখাৰ ভিতৰত সভাপতিৰ কাৰ্যসূচী ৰূপায়ণৰ দায়িত্ব লয়।

हिन्दुस्थान समाचार / মনোজ কুমাৰ শইকীয়া