নতুন দিল্লী, ২৪ ছেপ্টেম্বৰ (হি.স.)। কেন্দ্ৰীয় ৰে’ল মন্ত্ৰী অশ্বিনী বৈষ্ণৱৰ সৈতে বুধবাৰে আয়ুষ মন্ত্ৰী প্ৰতাপৰাও জাধৱে সাক্ষাৎ কৰি খামগাঁও-জলনা নতুন ৰে’লপথ নিৰ্মাণৰ দাবী উত্থাপন কৰে। বৈঠকৰ অন্তত তেওঁৰ ছ’চিয়েল মিডিয়া একাউণ্টত প্ৰকাশ কৰা এটা বাৰ্তাত তেওঁ কয়, আজি কেন্দ্ৰীয় ৰে'ল মন্ত্ৰী অশ্বিনী বৈষ্ণৱৰ সৈতে সাক্ষাৎ কৰি বুলধনা অঞ্চলৰ বাবে অতি গুৰুত্বপূৰ্ণ খামগাঁও-জলনা নতুন ৰে'লপথৰ বিষয়ে বিতংভাৱে আলোচনা কৰিলোঁ।

তেওঁ কয় যে এই ৰে'ল প্ৰকল্পই কেৱল বুলধনাই নহয় সমগ্ৰ মাৰাথৱাড়া অঞ্চলৰ অৰ্থনৈতিক, সামাজিক, আৰু সাংস্কৃতিক উন্নয়নৰ বাবে ভেটি হিচাপে কাম কৰিব। কৃষি, আৰু উদ্যোগে লাভৱান হ'ব, আৰু শ্বিংনাপুৰকে ধৰি ওচৰৰ চহৰসমূহলৈ যাত্ৰা কৰাত সুবিধা হ'ব। তেওঁ উল্লেখ কৰে যে স্থানীয় জনসাধাৰণ, ৰে’লৱে লোক আন্দোলন সমিতি, জনপ্ৰতিনিধি, আৰু সামাজিক সংগঠনৰ পৰা দীৰ্ঘদিনীয়া দাবীৰ আলোকত তেওঁ ৰে’ল মন্ত্ৰীক প্ৰকল্পটোৰ অনুমোদন ক্ষিপ্ৰতাৰে কৰিবলৈ বিনম্ৰ অনুৰোধ জনাইছে।

हिन्दुस्थान समाचार / অৰৱিন্দ