- সমগ্ৰ দেশৰ কাৰাগাৰৰ পৰা পলায়ন কৰা প্ৰায় ৮ হাজাৰ কয়দী এতিয়াও পলাতক

কাঠমাণ্ডু, ২৪ ছেপ্টেম্বৰ (হি.স.)। নেপালত জেন-জি প্ৰতিবাদৰ সময়ত লুটপাত কৰা অস্ত্ৰ-শস্ত্ৰ, গোলাবাৰুদ, যোগাযোগ সঁজুলিৰ সম্পূৰ্ণ বিৱৰণ এতিয়াও সংগ্ৰহ কৰা হোৱা নাই। সমগ্ৰ দেশৰ থানাসমূহৰ পৰা চুৰি হোৱা প্ৰায় ৩ হাজাৰ অস্ত্ৰৰ ভিতৰত এতিয়ালৈকে মাত্ৰ ২০০টাহে ঘূৰাই দিয়া হৈছে। আন্দোলনৰ সময়ত সমগ্ৰ দেশৰ কাৰাগাৰৰ পৰা পলায়ন কৰা প্ৰায় ৮ হাজাৰ কয়দী এতিয়াও পলাতক হৈ আছে।

নেপালৰ যুৱ আন্দোলনৰ সময়ত কেৱল থানাৰ পৰা এছ এল আৰ, ইনছাছ ৰাইফল, পিষ্টলৰ দৰে অত্যাধুনিক অস্ত্ৰ-শস্ত্ৰ লুট কৰাই নহয়, হত্যা, অপহৰণ, ডকাইতি আদি গুৰুতৰ অপৰাধত শাস্তি ভুগি থকা হাজাৰ হাজাৰ কয়দীও জেলৰ পৰা পলায়ন কৰিছিল। চুৰি হোৱা অস্ত্ৰ-শস্ত্ৰ, গোলাবাৰুদ, যোগাযোগ সঁজুলিৰ সম্পূৰ্ণ বিৱৰণ এতিয়াও সংগ্ৰহ কৰা হোৱা নাই। আৰক্ষী মুখ্য কাৰ্যালয়ৰ তথ্য অনুসৰি সমগ্ৰ দেশৰ থানাসমূহৰ পৰা চুৰি হোৱা প্ৰায় ৩ হাজাৰ অস্ত্ৰ-শস্ত্ৰৰ ভিতৰত এতিয়ালৈকে মাত্ৰ ২০০টাহে ঘূৰাই দিয়া হৈছে।

কেৱল কাঠমাণ্ডুত আৰক্ষীৰ কাৰ্যালয়ৰ পৰা এছ এল আৰ, ইনছাছ, ৩-এন-৩, বেৰেটা পিষ্টলকে ধৰি হাজাৰ হাজাৰ গুলী লুট কৰা হয়। সমগ্ৰ দেশত লুণ্ঠন কৰা ১০ হাজাৰৰো অধিক কাৰ্টিজৰ ভিতৰত প্ৰায় ৩ হাজাৰহে উদ্ধাৰ হৈছে। ইয়াৰ পৰা অনুমান কৰিব পাৰি যে প্ৰায় ৭ হাজাৰ কাৰ্টিজ এতিয়াও অপৰাধী আৰু সামাজিক অশান্তি বিয়পোৱা গোটৰ হাতত আছে। ২৮০০টা অত্যাধুনিক অস্ত্ৰ-শস্ত্ৰৰ অৱস্থা এতিয়াও জানিব পৰা নাই আৰক্ষীয়ে।

কাৰাগাৰ প্ৰশাসনৰ তথ্য অনুসৰি সমগ্ৰ দেশতে প্ৰায় ৮ হাজাৰ কয়দী বা বন্দী পলায়ন কৰি আছে, য’ত কেন্দ্ৰীয় কাৰাগাৰৰ পৰা ২৪০০ আৰু নক্খু কাৰাগাৰৰ পৰা ৭০০ পলায়ন কৰা লোকো আছে। এই পলায়নকাৰীসকলৰ ভিতৰত আজীৱন কাৰাদণ্ড ভুগি থকা গুৰুতৰ অপৰাধীও আছে। ইয়াৰ ফলত তদন্তৰ বাবে নিযুক্ত আৰক্ষী বিষয়াসকলৰ বাবে এক ভয়াৱহ নিৰাপত্তাজনিত সংকটৰ সৃষ্টি হৈছে। বহু আৰক্ষী বিষয়াই তেওঁলোকে তদন্ত কৰি জেললৈ পঠোৱা অপৰাধীয়ে অস্ত্ৰ তুলি ল’ব পাৰে বুলি ভয়ত আত্মগোপন কৰিবলৈ বাধ্য হৈছে।

हिन्दुस्थान समाचार / অৰৱিন্দ