গুমলা, ২৪ ছেপ্টেম্বৰ (হি.স.)। ঝাৰখণ্ডৰ গুমলা জিলাত আৰক্ষীয়ে এক সংঘৰ্ষত ঝাৰখণ্ড জন মুক্তি পৰিষদৰ অন্তৰ্গত তিনিজন উগ্ৰপন্থীক হত্যা কৰিছে। বুধবাৰে পুৱা জিলাখনৰ বিষাণপুৰ থানা এলেকাৰ কেচকী বনাঞ্চলত সংঘটিত হয় এই এনকাউণ্টাৰ। নিহত উগ্ৰপন্থীৰ ভিতৰত আছে লোহাৰদাগাৰ সেনহা নিবাসী লালু লোহাৰা, সুজিত ওৰাওন, আৰু লাতেহাৰৰ হোছিৰ নিবাসী ছোতু ওৰাওন। ৫০ লাখ টকাৰ পুৰস্কাৰ। উপ-মণ্ডল অধিনায়ক লালু লোহাৰা আৰু আন এজন উপ-সেনাধ্যক্ষ ছ’তু ওৰাওঁৰ বাবে ৫ লাখকৈ টকা ঘোষণা কৰা হয়।

আৰক্ষী অধীক্ষক হৰিশ বিন জামানে তিনি উগ্ৰপন্থীৰ হত্যাকাণ্ড নিশ্চিত কৰি ঘটনাস্থলীৰ পৰা তিনিটা অস্ত্ৰ উদ্ধাৰ হোৱা বুলি জানিবলৈ দিয়ে। ইয়াৰ ভিতৰত আছিল এটা একে ৫৬ ৰাইফল, এটা এছএলআৰ, আৰু এটা ইনচাছ ৰাইফল। নিৰাপত্তা বাহিনীয়ে তালাচী অভিযান চলাইছে অঞ্চলটোত।

ইয়াৰ পূৰ্বে গুমলাৰ আৰক্ষী অধীক্ষক হৰিশ বিন জামানে এক বৃহৎ ঘটনা সংঘটিত কৰিবলৈ বিষাণপুৰ অঞ্চলত জেজেএমপিৰ অন্তৰ্গত একাংশ উগ্ৰপন্থী সমবেত হোৱাৰ তথ্য লাভ কৰিছিল। এই তথ্যৰ পিছতে ঝাৰখণ্ড জাগুয়াৰ আৰু গুমলা জিলা আৰক্ষীৰ যৌথ দল গঠন কৰা হয়। দলটোৱে অঞ্চলটোত তালাচী অভিযান চলায়। আৰক্ষীৰ দলটো কেচকি বনাঞ্চলত উপস্থিত হোৱাৰ লগে লগে উগ্ৰপন্থীয়ে গুলীচালনা কৰে। আৰক্ষীয়ে প্ৰতিশোধ লোৱাৰ লগতে তিনিজন উগ্ৰপন্থীক হত্যা কৰাৰ লগতে এজনক গ্ৰেপ্তাৰ কৰে।

हिन्दुस्थान समाचार / মনোজ কুমাৰ শইকীয়া