নতুন দিল্লী, ২৪ ছেপ্টেম্বৰ (হি.স.)। নিৰ্বাচন আয়োগে পঞ্জাৱৰ পৰা এখন ৰাজ্যসভা আৰু জম্মু-কাশ্মীৰৰ পৰা চাৰিখন আসনৰ উপ-নিৰ্বাচন আৰু নিৰ্বাচন ঘোষণা কৰিছে।

পঞ্জাৱৰ পৰা ৰাজ্যসভাৰ সদস্য সঞ্জীৱ অৰোৰাই ১ আগষ্টত পদত্যাগ কৰাৰ বাবে আসনখন খালী হৈ পৰে। এই আসনৰ বাবে ৬ অক্টোবৰত অধিসূচনা জাৰি কৰা হ’ব। ২৪ অক্টোবৰত ভোটদান হ’ব, আৰু একেদিনাই ফলাফল ঘোষণা কৰা হ’ব।

আনহাতে, জম্মু-কাশ্মীৰৰ ৰাজ্যসভাৰ চাৰিখন আসনৰ বাবে নিৰ্বাচন অনুষ্ঠিত হ’ব। ইয়াৰে দুখন আসন ২০২১ চনৰ ১০ ফেব্ৰুৱাৰীত আৰু ২০২১ চনৰ ১৫ ফেব্ৰুৱাৰীত দুখন আসন খালী হৈ পৰে। কিন্তু জম্মু-কাশ্মীৰত বিধানসভাৰ অনুপস্থিতিৰ বাবে এই আসনসমূহৰ বাবে নিৰ্বাচন অনুষ্ঠিত কৰিব পৰা নগ’ল। এতিয়া বিধানসভা গঠন হোৱাৰ লগে লগে এই আসনসমূহত ভোটদানৰ বাবে নিৰ্বাচনী মণ্ডলী উপলব্ধ।

ৰাজ্যখনৰ চাৰিখন আসনৰ বাবে ৬ অক্টোবৰত অধিসূচনা জাৰি কৰা হ’ব। ২৪ অক্টোবৰত ভোটগ্ৰহণ হ’ব, আৰু একেদিনাই ফলাফল ঘোষণা কৰা হ’ব। কিন্তু যিহেতু চাৰিখন আসন বিভিন্ন কাৰ্যকালৰ সৈতে জড়িত, গতিকে এক, এক, আৰু দুখন আসনৰ বাবে ভোটদান পৃথক হ’ব। অৰ্থাৎ নিৰ্বাচনী মণ্ডলীয়ে তিনিবাৰকৈ ভোটদান কৰি এজন আৰু দুজন সদস্য নিৰ্বাচন কৰিব।

উল্লেখযোগ্য যে পঞ্জাৱত আম আদমী পাৰ্টিৰ নেতৃত্বত সংখ্যাগৰিষ্ঠ চৰকাৰ আছে। জম্মু-কাশ্মীৰত নেচনেল কনফাৰেন্স আৰু কংগ্ৰেছৰ মিত্ৰজোঁটৰ চৰকাৰ আছে।

हिन्दुस्थान समाचार / অৰৱিন্দ