নতুন দিল্লী, ২৩ ছেপ্টেম্বৰ (হি.স.)। কেন্দ্ৰীয় খাদ্য সংসাধন উদ্যোগ মন্ত্ৰী চিৰাগ পাছোৱানে কয় যে ভাৰতীয় পৰিয়ালত প্ৰচেছড খাদ্যৰ প্ৰতি থকা নেতিবাচক ধাৰণা সম্পূৰ্ণ ভুল আৰু ইয়াক সলনি কৰাৰ প্ৰয়োজন আছে। প্ৰায়ে ধাৰণা কৰা হয় যে যিকোনো প্ৰক্ৰিয়াকৃত খাদ্য স্বাস্থ্যৰ বাবে ক্ষতিকাৰক, আনহাতে বাস্তৱতা হ’ল প্ৰক্ৰিয়াকৰণৰ উদ্দেশ্য হৈছে মূল্য সংযোজন আৰু গুণগত মান উন্নত কৰা।

পাছোৱানে মঙলবাৰে ইয়াত এখন সংবাদমেলত কয় যে খাদ্য প্ৰক্ৰিয়াকৰণেও কৃষকৰ আয় বৃদ্ধি কৰাত সহায় কৰিব পাৰে আৰু চপোৱাৰ পিছৰ লোকচান হ্ৰাস কৰাত গুৰুত্বপূৰ্ণ ভূমিকা পালন কৰিব পাৰে। তেওঁ স্পষ্ট কৰি দিয়ে যে প্ৰচেছিঙৰ অৰ্থ এইটো নহয় যে কোনো খাদ্য বস্তু অস্বাস্থ্যকৰ। আজি বহুতো ‘ৰেডি টু ইট’ আৰু ‘ৰেডি টু কুক’ এনেকুৱা সামগ্ৰী আছে যাৰ গুণগত মান ঘৰতে ৰন্ধা খাদ্যতকৈ কম নহয়, বৰঞ্চ ভাল।

তেওঁ কয় যে তেওঁৰ মন্ত্ৰালয়েও এই বিষয়ত এখন পুস্তিকা প্ৰকাশ কৰি জনসাধাৰণক সঠিক তথ্য প্ৰদান কৰাৰ লগতে ভুল ধাৰণা দূৰ কৰিবলৈ। যিকোনো প্ৰক্ৰিয়াৰ লগত জড়িত তথ্য বিশেষকৈ খাদ্য প্ৰক্ৰিয়াকৰণৰ লগত যেতিয়াই জনসাধাৰণৰ মাজলৈ যায় তেতিয়াই সেইটো বৈজ্ঞানিক তথ্যৰ ওপৰত ভিত্তি কৰি হ’ব লাগে।

পাছোৱানে কয় যে প্ৰচেছড খাদ্য সন্দৰ্ভত ছ’চিয়েল মিডিয়াত বিয়পি পৰা উৰাবাতৰি সন্দৰ্ভত নিয়মৰ খচৰা প্ৰস্তুত কৰিবলৈ এখন কমিটী গঠন কৰা হৈছে। মত প্ৰকাশৰ স্বাধীনতাৰ অধিকাৰে কাকো প্ৰত্যক্ষভাৱে নিষিদ্ধ কৰিব নোৱাৰে যদিও ভুল তথ্যৰ প্ৰসাৰ বন্ধ কৰাটো গুৰুত্বপূৰ্ণ।

তেওঁ কয় যে এই খণ্ডত ইচ্ছাকৃতভাৱে বিভ্ৰান্তিকৰ অপপ্ৰচাৰ প্ৰচাৰ কৰা হৈছে, যাৰ ফলত জনসাধাৰণৰ মাজত শংকাৰ সৃষ্টি হৈছে। যদি এই ভুল ধাৰণা স্থায়ী হয়, তেন্তে ইয়াৰ প্ৰভাৱ ভাৰতৰ খাদ্য প্ৰক্ৰিয়াকৰণ উদ্যোগৰ সম্ভাৱ্য বৃদ্ধিত পৰিব। ইতিবাচক প্ৰচাৰ আৰু বৈজ্ঞানিক তথ্যৰ জৰিয়তে জনসাধাৰণক সঠিক তথ্য প্ৰদান কৰা মন্ত্ৰালয়ৰ প্ৰচেষ্টা।

हिन्दुस्थान समाचार / মনোজ কুমাৰ শইকীয়া