নতুন দিল্লী, ২৩ ছেপ্টেম্বৰ (হি.স.)। ঘৰুৱা অলংকাৰ বজাৰখনত সোণ আৰু ৰূপ উভয়ৰে মূল্যই একেৰাহে দ্বিতীয় দিনলৈ নতুন অভিলেখ সৃষ্টি কৰিছে। আজিৰ ব্যৱসায়ত সোণৰ মূল্য প্ৰতি ১০ গ্ৰামত ৪৬০ৰ পৰা ৫০০ টকাৰ ভিতৰত বৃদ্ধি পাইছে। ৰূপৰ মূল্য প্ৰতি কিলোগ্ৰামত ১০০ ₹কৈ সামান্য বৃদ্ধি পালে।

এই মূল্যবৃদ্ধিৰ বাবে সমগ্ৰ দেশৰ বেছিভাগ অলংকাৰ বজাৰতে ২৪ কেৰেট সোণৰ ব্যৱসায় প্ৰতি ১০ গ্ৰামত ১১৩,০৮০ টকাৰ পৰা ১১৩,২৩০ টকাৰ ভিতৰত চলি আছে। একেদৰে ২২ কেৰেট সোণৰ বিক্ৰী প্ৰতি ১০ গ্ৰামত ১০৩,৬৬০ টকাৰ পৰা ১০৩,৮১০ টকাৰ ভিতৰত বিক্ৰী হৈছে। আজি ৰূপৰ দামও সামান্য বৃদ্ধি পাই দিল্লীৰ অলংকাৰ বজাৰত প্ৰতি কিলোগ্ৰামত চিকচিকিয়া ধাতুটো ১৩৮,১০০ ₹লৈ ঠেলি দিয়ে।

দিল্লীত আজি ২৪ কেৰেটৰ সোণৰ মূল্য ১,১৩,২৩০ টকা, আনহাতে ২২ কেৰেট সোণৰ মূল্য ১,০৩,৮১০ টকা। দেশৰ বিত্তীয় ৰাজধানী মুম্বাইত ২৪ কেৰেটৰ সোণ ১০ গ্ৰামত ১,১৩,০৮০ টকা আৰু ২২ কেৰেটৰ সোণৰ মূল্য ১,০৩,৬৬০ টকা। একেদৰে আহমেদাবাদত ২৪ কেৰেট সোণৰ খুচুৰা মূল্য প্ৰতি ১০ গ্ৰামত ১,১৩,১৩০ টকা আৰু ২২ কেৰেট সোণৰ প্ৰতি ১০ গ্ৰামত ১,০৩,৭১০ টকা।

এই ডাঙৰ চহৰসমূহৰ বাহিৰেও আজি চেন্নাইত ২৪ কেৰেটৰ সোণ ১,১৩,০৮০ টকা আৰু প্ৰতি ১০ গ্ৰামত ২২ কেৰেটৰ সোণ ১,০৩,৬৬০ টকাত বিক্ৰী হৈছে। কলকাতাতো ২৪ কেৰেটৰ সোণৰ দাম ১,১৩,০৮০ টকা আৰু ২২ কেৰেটৰ সোণৰ মূল্য ১,০৩,৬৬০ টকা।

লক্ষ্ণৌৰ অলংকাৰ বজাৰত ২৪ কেৰেটৰ সোণ প্ৰতি ১০ গ্ৰামত ১,১৩,২৩০ টকা আৰু ২২ কেৰেটৰ সোণ ১,০৩,৮১০ টকা প্ৰতি ১০ গ্ৰামত বিক্ৰী হৈছে। পাটনাত ২৪ কেৰেটৰ সোণ প্ৰতি ১০ গ্ৰামত ১,১৩,১৩০ টকাত বিক্ৰী হোৱাৰ বিপৰীতে ২২ কেৰেটৰ সোণ ১,০৩,৭১০ টকাত বিক্ৰী হৈছে। জয়পুৰত ২৪ কেৰেটৰ সোণ প্ৰতি ১০ গ্ৰামত ১,১৩,২৩০ টকা আৰু ২২ কেৰেটৰ সোণ ১,০৩,৮১০ টকা প্ৰতি ১০ গ্ৰামত বিক্ৰী হৈছে।

সমগ্ৰ দেশৰ আন ৰাজ্যৰ দৰে কৰ্ণাটক, তেলেংগানা, ওড়িশাৰ অলংকাৰ বজাৰতো সোণৰ দাম বেছি হৈছে। এই তিনিখন ৰাজ্যৰ ৰাজধানী বেংগালুৰু, হায়দৰাবাদ, আৰু ভুৱনেশ্বৰত ২৪ কেৰেটৰ সোণৰ মূল্য প্ৰতি ১০ গ্ৰামত ১১৩,০৮০ ₹। একেদৰে এই তিনিখন চহৰৰ অলংকাৰ বজাৰত ২২ কেৰেট সোণৰ বিক্ৰী প্ৰতি ১০ গ্ৰামত ১০৩,৬৬০ ₹ত বিক্ৰী হৈছে।

हिन्दुस्थान समाचार / মনোজ কুমাৰ শইকীয়া