শেহতীয়াকৈ মলাইকা অৰোৰা আৰু অৰ্জুন কাপুৰৰ বিচ্ছেদৰ বাতৰিয়ে শিৰোনাম দখল কৰিছে। ছবছৰীয়া প্ৰেমৰ অন্তত দুয়োৰে মাজত বিচ্ছেদ হোৱা বুলি জানিব পৰা গৈছে। ইফালে হোমবাউণ্ড ছবিখনৰ প্ৰদৰ্শনীত তেওঁলোকৰ মুখামুখি হয়। অৰ্জুন আৰু মলাইকাক বিচ্ছেদৰ পিছত প্ৰথমবাৰৰ বাবে ৰাজহুৱা অনুষ্ঠানত একেলগে দেখা গৈছিল। এই হঠাৎ হোৱা মুখামুখিৰ প্ৰতি তেওঁলোকৰ প্ৰতিক্ৰিয়া কেমেৰাত বন্দী হৈছিল, আৰু এই ভিডিঅ’টো ছ’চিয়েল মিডিয়াত দ্ৰুতগতিত ভাইৰেল হৈ পৰিছে।
অৰ্জুন আৰু মলাইকাৰ ব্ৰেকআপৰ পিছত পুনৰ মিলিত-
হোমবাউণ্ড ছবিখনৰ প্ৰদৰ্শনত উপস্থিত হয় অৰ্জুন কাপুৰ আৰু মালাইকা অৰোৰা, য'ত তেওঁলোকে ইজনে সিজনৰ মুখামুখি হয়। দুয়োৰে লগ পোৱাৰ সময়ত অলপ অস্বস্তিবোধ কৰা যেন লাগিছিল আৰু এই কথা তেওঁলোকৰ শৰীৰৰ ভাষাত স্পষ্ট হৈ পৰিছিল। এই সাক্ষাতৰ ভিডিঅ’টো ছ’চিয়েল মিডিয়াত দ্ৰুতগতিত ভাইৰেল হৈ পৰিছে। ভিডিঅ’টোত দেখা গৈছে যে অৰ্জুন আৰু মলাইকাই লগ পোৱাৰ লগে লগে ইজনে সিজনক সাৱটি ধৰিছিল। তাৰ পিছত অৰ্জুনে তাইৰ লগত কথা-বতৰা আৰম্ভ কৰিবলৈ চেষ্টা কৰিলে, কিন্তু মলাইকাই নিজৰ দূৰত্ব বজাই ৰাখিবলৈ চেষ্টা কৰিলে আৰু তাৰ পিছত নেহা ধুপিয়াৰ লগত কথা-বতৰাত লিপ্ত হ’ল।
এই ভিডিঅ’টোৱে ছ’চিয়েল মিডিয়াত বিতৰ্কৰ সৃষ্টি কৰিছে যে অৰ্জুন কাপুৰ আৰু মলাইকা অৰোৰাৰ ব্ৰেকআপৰ পিছত এতিয়া আৰু বন্ধু নহয়। প্ৰায় ছবছৰ ধৰি অৰ্জুন আৰু মালাইকাৰ সম্পৰ্কত আছিল আৰু সদায় তেওঁলোকৰ সম্পৰ্ক ৰাজহুৱা কৰি ৰাখিছিল। অৱশ্যে ২০২৪ চনৰ আৰম্ভণিতে তেওঁলোকৰ মাজত বিচ্ছেদ ঘটিছিল। বিচ্ছেদৰ কাৰণ এতিয়াও কোনেও প্ৰকাশ কৰা নাই। অৱশ্যে কেইমাহমানৰ আগতে মলাইকাৰ পিতৃৰ মৃত্যুৰ সময়ত অৰ্জুনে পৰিয়ালৰ সৈতে থিয় হৈ এই শোকৰ সময়ত তেওঁলোকক সহায় কৰা দেখা গৈছিল।
हिन्दुस्थान समाचार / অৰৱিন্দ
