নতুন দিল্লী, ২২ ছেপ্টেম্বৰ (হি.স.)। ছত্তীশগড় জিলাৰ নাৰায়ণপুৰৰ আবুঝ্মাদ অঞ্চলত সোমবাৰে পুৱা নিৰাপত্তা বাহিনী আৰু নক্সালবাদীৰ মাজত হোৱা সংঘৰ্ষত দুই শীৰ্ষ নক্সাল নেতাক ধৰাশায়ী কৰা হয়। কেন্দ্ৰীয় গৃহমন্ত্ৰী অমিত শ্বাহে এই সংঘৰ্ষক নক্সালবাদৰ বিৰুদ্ধে এক বৃহৎ বিজয় বুলি অভিহিত কৰি কয় যে আমাৰ নিৰাপত্তা বাহিনীয়ে সমন্বিত কৌশলৰ জৰিয়তে শীৰ্ষ নক্সাল নেতৃত্বক ধাৰাবাহিকভাৱে নিৰ্মূল কৰি লাল সন্ত্ৰাসবাদৰ ৰাজহাঁড় (মেৰুদণ্ড) ভাঙিছে।

অমিত শ্বাহে ছ’চিয়েল মিডিয়াত পোষ্ট কৰি এই এনকাউণ্টাৰত নিহত নক্সালবাদীক কেন্দ্ৰীয় সমিতিৰ সদস্য কট্টা ৰামচন্দ্ৰ ৰেড্ডী আৰু কাদ্ৰী সত্যনাৰায়ণ ৰেড্ডী বুলি চিনাক্ত কৰা হৈছে। তেওঁ কয়, আজি আমাৰ নিৰাপত্তা বাহিনীয়ে নক্সালবাদীৰ বিৰুদ্ধে আন এক বৃহৎ জয় লাভ কৰিছে। মহাৰাষ্ট্ৰ-চত্তীশগড় সীমান্তৰ নাৰায়ণপুৰৰ আবুঝ্মাদ অঞ্চলত আমাৰ বাহিনীয়ে কেন্দ্ৰীয় সমিতিৰ সদস্য দুজন নক্সালবাদী নেতাক নিৰ্মূল কৰিছে। এই অভিযানে প্ৰমাণ কৰিছে যে নিৰাপত্তা বাহিনীয়ে দেশৰ পৰা নক্সালবাদ নিৰ্মূল কৰিছে।

উল্লেখযোগ্য যে এই অভিযানৰ সময়ত নিৰাপত্তা বাহিনীয়ে সংঘৰ্ষৰ স্থানৰ পৰা দুজন ইউনিফৰ্ম পৰিহিত নক্সালবাদীৰ মৃতদেহ উদ্ধাৰ কৰে। তালাচী অভিযানত এ কে ৪৭ ৰাইফলকে ধৰি অস্ত্ৰ-শস্ত্ৰ, বৃহৎ পৰিমাণৰ বিস্ফোৰক সামগ্ৰী, নক্সাল সাহিত্য, অপপ্ৰচাৰ সামগ্ৰী, দৈনন্দিন ব্যৱহাৰৰ সামগ্ৰী আদিও জব্দ কৰা হয়। মোডী চৰকাৰে ২০২৬ চনৰ মাৰ্চ মাহৰ ভিতৰত নক্সালমুক্ত ভাৰত লাভ কৰাৰ প্ৰতিশ্ৰুতি দিছে। ফলস্বৰূপে এই বৃহৎ অভিযান নক্সাল প্ৰভাৱিত অঞ্চলত নিৰাপত্তা বাহিনীৰ অবিৰত সফলতা আৰু কেন্দ্ৰীয় চৰকাৰৰ কঠোৰ নীতিৰ ফলৰূপে দেখা গৈছে।

हिन्दुस्थान समाचार / অৰৱিন্দ