নতুন দিল্লী, ২২ ছেপ্টেম্বৰ (হি.স.)। দিল্লী বিশ্ববিদ্যালয়ৰ ছাত্ৰ সন্থাৰ ৰাষ্ট্ৰপতি নিৰ্বাচন বাতিল কৰিবলৈ দিল্লী বিশ্ববিদ্যালয়লৈ জাননী জাৰি কৰিছে দিল্লী উচ্চ ন্যায়ালয়ৰ ন্যায়াধীশ মিনি পুষ্কৰ্ণাৰ বিচাৰপীঠে। ১৬ ডিচেম্বৰত এই গোচৰৰ পৰৱৰ্তী শুনানি অনুষ্ঠিত হ’ব।

নিৰ্বাচন আৰু গণনাৰ সময়ত ব্যৱহৃত ইভিএম, ইয়াৰ কাগজৰ ট্ৰেইল, আৰু আনুষংগিক নথি-পত্ৰ নিৰাপদ স্থানত আবদ্ধ কৰি ৰাখিবলৈ দিল্লী বিশ্ববিদ্যালয়ৰ মুখ্য নিৰ্বাচনী বিষয়াক আদালতে নিৰ্দেশ দিয়ে। শুনানিৰ সময়ত দিল্লী বিশ্ববিদ্যালয়ৰ হৈ প্ৰতিনিধিত্ব কৰা অধিবক্তা মহিন্দৰ ৰূপলে কয় যে কোনোবাই তেওঁলোকৰ বুঢ়া আঙুলিৰ ছাপ দিছিল, কিন্তু কোনো ধৰণৰ ইফাল সিফাল কৰা হোৱা নাই।

এই আৱেদন দাখিল কৰিছে ডুছুৰ প্ৰাক্তন সভাপতি তথা কংগ্ৰেছ ছাত্ৰ শাখা এন এছ ইউ আইৰ নেতা ৰৌনক খাত্ৰীয়ে। আৱেদনখনত ডুছুৰ নিৰ্বাচনৰ সময়ত ইভিএমৰ লগত হেতালি খেলা কৰা বুলি অভিযোগ উত্থাপন কৰা হৈছে। শুনানিৰ সময়ত আদালতে লক্ষ্য কৰিছিল যে আবেদনখনত নিৰ্দিষ্ট অভিযোগ উত্থাপন কৰা হৈছে যদিও বিজয়ী সভাপতি পদৰ প্ৰাৰ্থীক দল হিচাপে প্ৰক্ষেপ কৰা হোৱা নাই।

এইবাৰৰ ডুছুৰ ছাত্ৰ সন্থাৰ নিৰ্বাচনত অখিল ভাৰতীয় বিদ্যাৰ্থী পৰিষদে তিনিখন আসন লাভ কৰাৰ বিপৰীতে এন এছ ইউ আইয়ে এখন আসনতে সন্তুষ্ট হ’বলগীয়া হৈছিল।

हिन्दुस्थान समाचार / মনোজ কুমাৰ শইকীয়া