গুৱাহাটী, ০৯ ডিচেম্বৰ (হি.স.)। অসমৰ মুখ্যমন্ত্রী ড০ হিমন্ত বিশ্ব শর্মাই মঙলবাৰে কয় যে নির্মাণাধীন ‘শ্বহীদ স্মাৰক’ সাধাৰণ অট্টালিকা নহয়, বৰঞ্চ অসমীয়া মানুহৰ পৰিচয় ৰক্ষাৰ বাবে প্রাণ আহুতি দিয়া বীৰ পুৰুষ-মহিলাৰ সজীৱ উত্তৰাধিকাৰ ৷ আজি মুখ্যমন্ত্ৰী ড° শৰ্মাই শ্বহীদ সকলক শ্ৰদ্ধাঞ্জলি জ্ঞাপন কৰে।

ছ’চিয়েল মিডিয়াত নিৰ্মাণস্থলীৰ এখন ছবি শ্বেয়াৰ কৰি মুখ্যমন্ত্ৰীয়ে উল্লেখ কৰে যে এই স্মৃতিসৌধ অসম আন্দোলনৰ মহান শ্বহীদসকলৰ বাবে উৎসৰ্গিত এক স্থায়ী প্ৰতীক হ’ব। তেওঁ উল্লেখ কৰে যে এই ভৱিষ্যৎ স্মৃতিসৌধটো অসম আন্দোলনৰ ৮৫০ জনৰো অধিক শ্বহীদৰ স্থায়ী বাসগৃহ হিচাপে নিৰ্মাণ কৰা হৈছে, যিসকল বীৰ ত্যাগে আধুনিক অসমৰ গতিপথ গঢ় দিছিল, তেওঁলোকৰ প্ৰতি ৰাজ্য চৰকাৰৰ শ্ৰদ্ধাঞ্জলি।

हिन्दुस्थान समाचार / অৰৱিন্দ