- ৰাউণ্ড ৰবিন পৰ্যায়ত প্ৰাক্তন বিশ্ব চেম্পিয়ন মেগনাছ কাৰ্লছনক পৰাস্ত

নতুন দিল্লী, ০৯ ডিচেম্বৰ (হি.স.)। দক্ষিণ আফ্ৰিকাৰ গ্ৰুটবছ প্ৰাইভেট নেচাৰ ৰিজাৰ্ভত অনুষ্ঠিত ফ্ৰীষ্টাইল দবা গ্ৰেণ্ড শ্লেম ফাইনেলৰ ৰাউণ্ড ৰবিন পৰ্যায়ত ভাৰতীয় গ্ৰেণ্ডমাষ্টাৰ অৰ্জুন এৰিগেইচিয়ে এক চমকপ্ৰদ প্ৰদৰ্শন আগবঢ়াই প্ৰাক্তন বিশ্ব চেম্পিয়ন মেগনাছ কাৰ্লছনক পৰাস্ত কৰে।

সাত ৰাউণ্ডৰ অন্তত অৰ্জুন এৰিগেইছিয়ে ৪.৫ পইণ্ট সংগ্ৰহ কৰি ৰেংকিঙত তৃতীয় স্থান দখল কৰে। ৫.৫ পইণ্টেৰে তালিকাৰ শীৰ্ষস্থান দখল কৰে জাভোখিৰ চিণ্ডাৰভে, ৫ পইণ্টেৰে দ্বিতীয় স্থান লাভ কৰে লেভন আৰোনিয়ানে। গ্ৰুপ পৰ্যায়ৰ শীৰ্ষ তিনিগৰাকী খেলুৱৈয়ে কোৱাৰ্টাৰ ফাইনেলত প্ৰতিদ্বন্দ্বী বাছনি কৰাৰ অধিকাৰ অৰ্জন কৰে। এই অধিকাৰেৰে চিণ্ডাৰভে প্ৰথম নিৰ্বাচন কৰিছিল। নকআউট পৰ্যায়ত অৰ্জুন এৰিগেইছীয়ে জাৰ্মানীৰ ভিনচেণ্ট কেমাৰৰ বিৰুদ্ধে খেলিব, আনহাতে কাৰ্লচেনে ফেবিয়ানো কাৰুয়ানাৰ বিৰুদ্ধে খেলিব।

এই প্ৰতিযোগিতাখন বছৰজোৰা ফ্ৰীষ্টাইল দবা গ্ৰেণ্ড শ্লেম ভ্ৰমণৰ পঞ্চম কিস্তি, যাৰ পূৰ্বৰ পৰ্যায়সমূহ জাৰ্মানী, ফ্ৰান্স, আৰু আমেৰিকাত অনুষ্ঠিত হৈছিল। ফাইনেলৰ বিজয়ী দলটোক ২০২৫ চনৰ ফ্ৰীষ্টাইল চেছ চেম্পিয়ন হিচাপে অভিষিক্ত কৰা হ’ব।

অৱশ্যে ভ্ৰমণৰ ৰেংকিঙত এতিয়াও মেগনাছ কাৰ্লচেনে আগবাঢ়ি আছে। ফাইনেলত চতুৰ্থ স্থান দখল কৰিলেও তেওঁক সামগ্ৰিক ভ্ৰমণৰ খিতাপ নিশ্চিত কৰা হ’ব, য’ত এক লাখ ডলাৰৰ বোনাছ পুৰস্কাৰ আছে।

কোৱাৰ্টাৰ ফাইনেলৰ মেচসমূহ:

জাভোখিৰ সিণ্ডাৰভ বনাম পাৰহাম মাগছুডলু

লেভন এৰ’নিয়ান বনাম হান্স নিমেন

অৰ্জুন এৰিগাইচি বনাম ভিনচেণ্ট কেইমাৰ

মেগনাছ কাৰ্লচেন বনাম ফেবিয়ানো কাৰুয়ানা

हिन्दुस्थान समाचार / অৰৱিন্দ