তিনিচুকীয়া, ০৯ ডিচেম্বৰ (হি.স.)। এইবাৰ তিনিচুকীয়া ৰেল বিভাগে ৰূপাই চাইডিং অঞ্চলত উচ্ছেদ কৰিবলৈ আগবাঢ়িছে । ৰেল লাইনৰ কাষত থকা বাসগৃহ, দোকানগৃহ আদিত উচ্ছেদ কৰা হব বুলি জাননী জাৰি কৰিছে বিভাগে । উক্ত জাননী লাভ কৰাৰ পাছতেই সংকিত হৈ পৰিছে ৰেল লাইনৰ কাষতেই গৃহ তথা দোকানগৃহ নিৰ্মাণ কৰি বসবাস কৰি থকা লোকসকল ।

বহু বছৰ ধৰি এই স্থানত বসবাস কৰি থকা লোকসকলক মাত্ৰ ১৫ দিনৰ ভিতৰত উচ্ছেদ কৰাৰ জাননী উঠাই লৈ কমেও ছয় মাহ সময় দিবলৈ আহ্বান জনাইছে । হঠাতেই জাননী জাৰি কৰাত ৰাইজৰ মাজত হাহাকাৰ সৃষ্টি হৈছে । অন্যহাতে, তিনিচুকীয়া, মাকুম, হাপজান, ডুমডুমা আদি ঠাইত ৰেল লাইনৰ কাষৰ স্থানসমূহ উচ্ছেদ নকৰাকৈ কেৱল মাত্ৰ ৰূপাই অঞ্চলতহে উচ্ছেদ চলাবলৈ লোৱা কাৰ্যতো ক্ষুভ প্ৰকাশ কৰিছে এই লোকসকলে ।

হিন্দুস্থান সমাচাৰ / কিশোৰ মিশ্ৰ