নতুন দিল্লী, ০৬ ডিচেম্বৰ (হি.স.)। ইণ্ডিগো বিমান সংকটৰ মাজত যাত্ৰীসকলৰ পৰা অতিৰিক্ত ভাড়া লোৱাৰ বিৰুদ্ধে ব্যৱস্থা গ্ৰহণ কৰি অসামৰিক বিমান পৰিবহণ মন্ত্ৰালয়ে শনিবাৰে নিজৰ নিয়ন্ত্ৰণ ক্ষমতা প্ৰয়োগ কৰি ক্ষতিগ্ৰস্ত সকলো পথতে সৰ্বোচ্চ বিমান ভাড়াৰ সীমা আৰোপ কৰে।
মন্ত্ৰালয়ে সকলো বিমান সংস্থাক আনুষ্ঠানিক নিৰ্দেশনা জাৰি কৰি এতিয়া নিৰ্ধাৰিত ভাড়াৰ সীমা কঠোৰভাৱে মানি চলিবলৈ নিৰ্দেশ দিয়ে। এই নিৰ্দেশ অনুসৰি এই নতুন সীমাৰ ওপৰত বিমান সংস্থাই ভাড়া ল’ব নোৱাৰিব। ইণ্ডিগোৰ পৰিস্থিতি সম্পূৰ্ণৰূপে উন্নত নোহোৱালৈকে আৰু বিমান সেৱা স্বাভাৱিক অৱস্থালৈ ঘূৰি অহালৈকে এই নিয়ম প্ৰযোজ্য হৈ থাকিব। চৰকাৰে উল্লেখ কৰে যে বিপদত পৰা যাত্ৰীসকলৰ কোনো ধৰণৰ শোষণ ৰোধ কৰাৰ বাবে আৰু জ্যেষ্ঠ নাগৰিক, ছাত্ৰ-ছাত্ৰী, ৰোগীকে ধৰি জৰুৰীভাৱে যাত্ৰা কৰিবলগীয়া নাগৰিকসকলে যাতে এই সময়ছোৱাত আৰ্থিক কষ্টৰ সন্মুখীন নহয়, তাৰ বাবে এই সিদ্ধান্ত লোৱা হৈছে।
উল্লেখযোগ্য যে এতিয়া মন্ত্ৰালয়ে এই বিমান সংস্থাসমূহ নিৰন্তৰ নিৰীক্ষণ কৰিব, বিমান সংস্থা আৰু অনলাইন টিকট ৱেবছাইটৰ পৰা বাস্তৱ সময়ৰ তথ্য সংগ্ৰহ কৰিব। যদি কোনো বিমান সংস্থাই নিৰ্ধাৰিত ভাড়াতকৈ অধিক মূল্য লোৱা দেখা যায় তেন্তে তাৎক্ষণিক ব্যৱস্থা গ্ৰহণ কৰা হ’ব।
हिन्दुस्थान समाचार / অৰৱিন্দ
