গোলাঘাট, ০৬ ডিচেম্বৰ (হি.স.)। বোকাখাতত আজিৰে পৰা দুদিনীয়াকৈ আৰম্ভ হৈছে সদৌ অসম ভিত্তিত প্ৰথম বাৰ্ষিক ল'ন টেনিছ প্ৰতিযোগিতা ৷ অসমৰ ইমুৰৰ পৰা সিমুৰৰ ৭৫ গৰাকী মাষ্টাৰ্চ টেনিছ খেলুৱৈয়ে অংশ গ্ৰহণ কৰিছে এই প্ৰতিযোগিতাত ৷ ২০১২ চনত গঠন হোৱা বোকাখাত টেনিছ ক্লাবে, ক্লাব আৰু চিকিৎসকৰ মাজত প্ৰতি বছৰে টেনিছ প্ৰতিযোগিতা অনুষ্ঠিত কৰি আহিছিল ৷

এই ক্ষেত্ৰত নুমলীগড় শোধানাগাৰৰ সামাজিক উন্নয়ন পুঁজিৰে গ্ৰাছ কৰ্টৰ ঠাইত উন্নত মানৰ কৰ্ট নিৰ্মাণ কৰি উলিয়াইছিল ৷ এইবাৰ অসম টেনিছ এছ'চিয়েচনৰ পৰা অনুমোদন লাভ কৰাৰ পিছত প্ৰথমবাৰৰ বাবে অসম ভিত্তিত মাষ্টাৰ্চ টেনিছ প্ৰতিযোগিতা অনুষ্ঠিত কৰিছে ৷

হিন্দুস্থান সমাচাৰ / প্ৰকাশ ডেকা