নতুন দিল্লী, ০৪ ডিচেম্বৰ (হি.স.)। মিজোৰামৰ প্ৰাক্তন ৰাজ্যপাল তথা প্ৰাক্তন বৈদেশিক পৰিক্ৰমা মন্ত্ৰী প্ৰয়াত সুষমা স্বৰাজৰ স্বামী স্বৰাজ কৌশলৰ মৃত্যুত বৃহস্পতিবাৰে ৰাষ্ট্ৰপতি দ্ৰৌপদী মুৰ্মু আৰু প্ৰধানমন্ত্ৰী নৰেন্দ্ৰ মোদীয়ে শোক প্ৰকাশ কৰে। স্বৰাজ কৌশলৰ অৱদান সদায় স্মৰণীয় হৈ থাকিব বুলি কয়।
ৰাষ্ট্ৰপতি দ্ৰৌপদী মুৰ্মুৱে ছ’চিয়েল মিডিয়াত পোষ্ট কৰি কয়, মিজোৰামৰ প্ৰাক্তন ৰাজ্যপাল, প্ৰাক্তন সংসদ সদস্য আৰু বিশিষ্ট আইনী বিশেষজ্ঞ স্বৰাজ কৌশলৰ মৃত্যুৰ কথা জানিবলৈ পাই দুখ পাইছো।
প্ৰধানমন্ত্ৰী নৰেন্দ্ৰ মোদীয়ে টুইটাৰযোগে লিখিছে, স্বৰাজ কৌশলৰ মৃত্যুৰ কথা জানি মৰ্মাহত। তেওঁ এজন অধিবক্তা আৰু আইনী বৃত্তি ব্যৱহাৰ কৰি আৰ্তজনৰ জীৱন উন্নত কৰা ব্যক্তি হিচাপে নিজকে বিশিষ্ট কৰি তুলিছিল।
তেওঁ আৰু লিখিছে যে তেওঁ ভাৰতৰ আটাইতকৈ কম বয়সীয়া ৰাজ্যপাল হিচাপে পৰিগণিত হৈছিল আৰু তেওঁৰ কাৰ্যকালত মিজোৰামৰ জনসাধাৰণৰ মনত গভীৰ ছাপ পেলাইছিল। সংসদৰ সদস্য হিচাপে তেওঁৰ বুজাবুজিও প্ৰশংসনীয় আছিল। এই শোকৰ সময়ত তেওঁৰ কন্যা বাঁসুৰী আৰু পৰিয়ালৰ আন সদস্যসকলৰ সৈতে মোৰ প্ৰাৰ্থনা জনাইছোঁ।
উল্লেখযোগ্য যে ১৯৫২ চনৰ ১২ জুলাইত জন্মগ্ৰহণ কৰা স্বৰাজ কৌশলে দিল্লী বিশ্ববিদ্যালয় আৰু পঞ্জাৱ বিশ্ববিদ্যালয়ত অধ্যয়ন কৰিছিল। স্বৰাজ কৌশলে উচ্চতম ন্যায়ালয়ৰ জ্যেষ্ঠ অধিবক্তা হিচাপে স্বীকৃতি লাভ কৰিছিল। ছবছৰ ৰাজ্যসভাৰ সাংসদ হিচাপে কাৰ্যনিৰ্বাহ কৰাৰ লগতে মিজোৰামৰ ৰাজ্যপাল হিচাপেও কাৰ্যনিৰ্বাহ কৰিছিল। স্বৰাজ কৌশল ৰাজ্যপালৰ পদত অধিষ্ঠিত হোৱা আটাইতকৈ কম বয়সীয়া ব্যক্তি হিচাপে পৰিগণিত হয়। ১৯৭৫ চনত সুষমা স্বৰাজৰ সৈতে বিবাহপাশত আবদ্ধ হয়।
हिन्दुस्थान समाचार / অৰৱিন্দ
