নতুন দিল্লী, ০৩ ডিচেম্বৰ (হি.স.)। মোবাইল ফোনত সঞ্চাৰ সাথী এপটো বাধ্যতামূলক প্ৰি-ইনষ্টলেচনক লৈ ক্ৰমবৰ্ধমান বিতৰ্কৰ পিছত চৰকাৰে এই প্ৰয়োজনীয়তা আঁতৰাইছে। কেন্দ্ৰীয় যোগাযোগ মন্ত্ৰালয়ে এই কথা ঘোষণা কৰে।
এক আনুষ্ঠানিক বিবৃতিত মন্ত্ৰালয়ে উল্লেখ কৰে যে চৰকাৰে সকলো নাগৰিককে চাইবাৰ সুৰক্ষা প্ৰদানৰ উদ্দেশ্যেৰে সকলো স্মাৰ্টফোনতে সঞ্চাৰ সাথী এপ প্ৰি-ইনষ্টল কৰাটো বাধ্যতামূলক কৰিছে। এই এপটো নিৰাপদ আৰু ইয়াৰ একমাত্ৰ উদ্দেশ্য হৈছে চাইবাৰ অপৰাধীৰ পৰা নাগৰিকক সুৰক্ষা দিয়া। ই নাগৰিকসকলক এনে কাৰ্য্যকলাপৰ ৰাজহুৱা প্ৰতিবেদনত অংশগ্ৰহণ কৰাত সহায় কৰে আৰু ব্যৱহাৰকাৰীসকলক সুৰক্ষা প্ৰদান কৰে। এই এপটোৰ ব্যৱহাৰকাৰীক সুৰক্ষা দিয়াৰ বাহিৰে আন কোনো উদ্দেশ্য নাই, আৰু ব্যৱহাৰকাৰীয়ে ইয়াক নিজৰ ফোনত আঁতৰাই পেলাব পাৰে।
ইয়াৰ পূৰ্বে সংসদত এক প্ৰশ্নৰ উত্তৰত যোগাযোগ মন্ত্ৰী জ্যোতিৰাদিত্য সিন্ধিয়াই কয় যে সঞ্চাৰ সাথী এপৰ উদ্দেশ্য ইতিবাচক আৰু জনসাধাৰণৰ অনুকূল, স্নুপিঙৰ বাবে নহয়। গ্ৰাহকে ইচ্ছা কৰিলে নিজৰ ফোনৰ পৰা সঞ্চাৰ সাথী এপটো ডিলিট কৰিব পাৰে।
মন কৰিবলগীয়া যে এতিয়ালৈকে ১ কোটি ৪০ লাখতকৈ অধিক লোকে এই এপটো ডাউনলোড কৰিছে, দৈনিক প্ৰায় ২০০০টা প্ৰৱঞ্চনামূলক কাণ্ডৰ তথ্য শ্বেয়াৰ কৰিছে। যোৱা ২৪ ঘন্টাত ৬ লাখ লোকে এই এপটো ডাউনলোড কৰিবলৈ পঞ্জীয়ন কৰিছিল।
हिन्दुस्थान समाचार / অৰৱিন্দ
