নতুন দিল্লী, ২৬ ডিচেম্বৰ (হি.স.)। প্ৰধানমন্ত্ৰী নৰেন্দ্ৰ মোদীয়ে শুকুৰবাৰে ত্ৰিপুৰা বিধানসভাৰ অধ্যক্ষ বিশ্ববন্ধু সেনৰ মৃত্যুত গভীৰ শোক প্ৰকাশ কৰি কয় যে তেওঁৰ মৃত্যুৰ লগে লগে ত্ৰিপুৰাই এজন প্ৰবীণ জনপ্ৰতিনিধি তথা সমাজকৰ্মীক হেৰুৱাইছে।
ছ’চিয়েল মিডিয়া প্লেটফৰ্ম ‘এক্স’ত সেনৰ সৈতে হোৱা সাক্ষাৎকাৰৰ এখন পুৰণি ফটো শ্বেয়াৰ কৰি প্ৰধানমন্ত্ৰীয়ে কয় যে বিশ্ববন্ধু সেন ত্ৰিপুৰাৰ প্ৰগতিৰ ক্ষেত্ৰত আগবঢ়োৱা অৱদান আৰু বিভিন্ন সামাজিক কামত তেওঁৰ দায়বদ্ধতাৰ বাবে সদায় স্মৰণীয় হৈ থাকিব।
তেওঁ লিখিছে, ত্ৰিপুৰা বিধানসভাৰ অধ্যক্ষ শ্ৰী বিশ্ব বন্ধু সেনৰ বিয়োগত মই গভীৰ শোক প্ৰকাশ কৰিছো। ত্ৰিপুৰাৰ উন্নয়নৰ বাবে তেওঁৰ প্ৰচেষ্টা আৰু বিভিন্ন সামাজিক কামত তেওঁৰ সমৰ্পণ সদায় স্মৰণীয় হৈ থাকিব।
উল্লেখযোগ্য যে শুকুৰবাৰে পুৱা ত্ৰিপুৰা বিধানসভাৰ অধ্যক্ষ বিশ্ববন্ধু সেনৰ মৃত্যু হয়। বিগত কেইবামাহো ধৰি তেওঁ অসুস্থ হৈ আছিল আৰু ব্যক্তিগত চিকিৎসালয়ত চিকিৎসাধীন হৈ আছিল।
हिन्दुस्थान समाचार / অৰৱিন্দ
