২০২৬ চনৰ অন্যতম চৰ্চিত আৰু ব্লকবাষ্টাৰ ছবি ৰকিং ষ্টাৰ ইয়াছৰ ‘টক্সিক: এ ফেয়াৰী টেল ফৰ গ্ৰ’ন-আপছ’ ছবিখনক লৈ অব্যাহত আছে চৰ্চা। ইফালে ছবিখনৰ কিয়াৰা আদৱানীৰ চৰিত্ৰ ‘নাদিয়া’ৰ ফাৰ্ষ্ট লুকে ছ’চিয়েল মিডিয়াত আলোড়নৰ সৃষ্টি কৰিছে। বৈচিত্ৰময় চৰিত্ৰক চিত্ৰিত কৰি নিজৰ বহুমুখীতা প্ৰমাণ কৰি কিয়াৰাক এইবাৰ সম্পূৰ্ণ নতুন আৰু আচৰিত ধৰণৰ অৱতাৰত দেখা গৈছে। বিশ্বাস কৰা হয় যে নাদিয়াৰ এই ভূমিকা তেওঁৰ কেৰিয়াৰৰ এক ডাঙৰ টাৰ্নিং পইণ্ট হিচাপে প্ৰমাণিত হ’ব পাৰে।
মুকলি কৰা পোষ্টাৰখনত কিয়াৰাক অত্যন্ত গ্লেমাৰাছ দেখা গৈছে। পটভূমিত চাৰ্কাছৰ ৰঙীন আৰু জিলিকি থকা জগতখন দেখা যায় যদিও এই গ্লেমাৰৰ আঁৰত লুকাই থকা বিষ, ৰহস্য আৰু গভীৰ আৱেগে চৰিত্ৰটোক আৰু অধিক কুটিল কৰি তুলিছে। এইটো স্পষ্ট যে ‘নাদিয়া’ কেৱল সৌন্দৰ্য্যই নহয়, দৰ্শকৰ হৃদয় আৰু মন উভয়তে গভীৰ ছাপ পেলাব পৰা চৰিত্ৰ।
ছবিখনৰ পৰিচালক গীতু মহনদাসেও কিয়াৰাৰ অভিনয়ক অতিশয় প্ৰশংসা কৰিছে। তেওঁ কয় যে কিছুমান অভিনয়ে ছবিখনক অতিক্ৰম কৰি শিল্পীজনৰ পৰিচয়ক এক নতুন মাত্ৰা প্ৰদান কৰে আৰু এই ছবিখনত কিয়াৰাৰ কাম ঠিক তেনেকুৱাই।'কে জি এফ: অধ্যায় ২'ৰ পিছত চাৰি বছৰ ধৰি দীৰ্ঘদিনীয়া অপেক্ষাৰ অন্তত ডাঙৰ পৰ্দালৈ উভতি আহিছে য়াছে। ইংৰাজী আৰু কানাড়া ভাষাত শ্বুট কৰা এই ছবিখনে কেৱল সমগ্ৰ ভাৰততে নহয়, বিশ্বজুৰিও আলোড়নৰ সৃষ্টি কৰিবলৈ সাজু হৈছে। ২০২৬ চনৰ ১৯ মাৰ্চৰ উৎসৱমুখৰ সপ্তাহৰ শেষৰ ফালে ছবিগৃহত মুক্তি পাব ‘টক্সিক: এ ফেয়াৰী টেল ফৰ গ্ৰ’ন-আপছ’।
हिन्दुस्थान समाचार / অৰৱিন্দ
