কোকৰাঝাৰ, ১৮ ডিচেম্বৰ (হি.স.)। কোকৰাঝাৰত দুৰ্যোগ প্ৰশমন বিভাগৰ দ্বাৰা আয়োজিত এক মক ড্ৰীলৰ কাৰ্য্য়সুচী। কোকৰাঝাৰ চহৰত এক হাহাকাৰময় পৰিৱেশ৷ চৌদিশে মানুহৰ দৌৰাদৌৰি এক আতংকময় পৰিস্থিতি৷ দুৰ্যোগ প্ৰশমন বিভাগ,অগ্নি নিৰ্বাপক বাহিনী,চিকিৎসক-চিকিৎসা কৰ্মী,উদ্ধাৰকাৰী দল, আৰক্ষী, চিআইএছএফ, এছএছবিৰ লগতে আহিছে কেইবাখনো এম্বুলেন্স৷ খৱৰ আহিছে এক ভয়ংকৰ প্ৰাকৃতিক দুৰ্যোগ ভূমিকম্প অহাৰ৷

কোকৰাঝাৰ চহৰ স্থিত এখন বিদ্যালয়ত কেইবা গৰাকীও ছাত্ৰ-ছাত্ৰী হতাহত হোৱাৰো খৱৰ আহিছে৷ ৰব৷ এইয়া আচলতে কোনো প্ৰাকৃতিক দুৰ্যোগ অথবা ভূমিকম্প অহাৰ সময়ত লবলগীয়া জৰুৰীকালীন অৱস্থাৰ সজাগতা সৃষ্টিৰ উদ্দেশ্যৰে কোকৰাঝাৰ চহৰৰ ডিএন.হিম্মৎসিংকা হাইস্কুল প্ৰাংগনত দুৰ্যোগ প্ৰশমন বিভাগৰ দ্বাৰা আয়োজিত এক মক ড্ৰীলৰ দৃশ্যহে৷

হিন্দুস্থান সমাচাৰ / প্ৰকাশ ডেকা