দোহা, ১৭ ডিচেম্বৰ (হি.স.)। পেৰিছ চেণ্ট জাৰ্মেইন (পি এছ জি) আৰু ফ্ৰান্সৰ ফৰৱাৰ্ড অউছমেন ডেম্বেলক ফিফাৰ পুৰুষৰ বছৰৰ শ্ৰেষ্ঠ খেলুৱৈৰ সন্মান লাভ কৰাৰ বিপৰীতে স্পেইন আৰু বাৰ্চিলোনাৰ মিডফিল্ডাৰ আইটানা বনমাটিয়ে একেৰাহে তৃতীয় বছৰৰ বাবে ফিফা মহিলাৰ শ্ৰেষ্ঠ খেলুৱৈৰ বঁটা লাভ কৰে।

ফাইনেলত ইণ্টাৰ মিলানক ৫-০ গ’লত পৰাস্ত কৰি পি এছ জিৰ ঐতিহাসিক প্ৰথমটো চেম্পিয়নছ লীগ জয়ত গুৰুত্বপূৰ্ণ ভূমিকা পালন কৰিছিল ২৮ বছৰীয়া ডেম্বেলে। যোৱা ছিজনত ডেম্বেলেই সকলো প্ৰতিযোগিতাতে মুঠ ৩৫টা গ’ল দিছিল, ইয়াৰে ২১টা গ’ল লিগ ১ত আছিল আৰু প্ৰতিযোগিতাখনৰ সৰ্বাধিক গ’লদাতা হিচাপে পৰিগণিত হৈছিল।

আইতানা বনমাটিয়ে চেম্পিয়নছ লীগৰ শ্ৰেষ্ঠ খেলুৱৈৰ বঁটাও লাভ কৰে। একেৰাহে তৃতীয়বাৰৰ বাবে মহিলা বেলন ডি অৰ বঁটাও লাভ কৰে। বনমাটিয়ে বাৰ্চিলোনাক ঘৰুৱা ট্ৰেবললৈ লৈ যায়, আনহাতে স্পেইনৰ সৈতে তেওঁ চেম্পিয়নছ লীগৰ ফাইনেল আৰু ইউৰো ২০২৫ৰ ফাইনেলত প্ৰৱেশ কৰে।

हिन्दुस्थान समाचार / অৰৱিন্দ