মথুৰা (উত্তৰ প্ৰদেশ), ১৬ ডিচেম্বৰ (হি.স.)। মথুৰা জিলাৰ দিল্লী-আগ্ৰা যমুনা এক্সপ্ৰেছৱেত আজি পুৱা ৭খন বাছ আৰু তিনিখন গাড়ীত এক বৃহৎ অগ্নিকাণ্ড সংঘটিত হৈ বহু কেইজন লোকৰ মৃত্যু হয়। অগ্নিনিৰ্বাপক বাহিনীয়ে নিয়ন্ত্ৰণলৈ আনিছে জুই। ঘটনাস্থলীত জিলা দণ্ডাধীশ, জ্যেষ্ঠ আৰক্ষী অধীক্ষক শ্লোক কুমাৰকে ধৰি অন্যান্য বিষয়াসকল উপস্থিত আছে।
বিষয়াসকলে জনোৱা মতে, ঘন কুঁৱলীৰ মাজত ৭খন বাছ আৰু তিনিখন গাড়ীৰ সংঘৰ্ষৰ ফলত বাহনসমূহত অগ্নিকাণ্ড সংঘটিত হয়। এতিয়ালৈকে ৬ জন লোকৰ মৃত্যু হোৱা বুলি নিশ্চিত হৈছে আৰু ২৫ জনতকৈ অধিক লোক আহত হৈছে। এক্সপ্ৰেছৱেৰ ক্ষতিগ্ৰস্ত অংশত সাময়িকভাৱে যাতায়ত বন্ধ কৰি দিয়া হৈছে।
মথুৰাৰ জ্যেষ্ঠ আৰক্ষী অধীক্ষক কুমাৰে জনোৱা মতে, ৭খন বাছ আৰু তিনিখন গাড়ীৰ সংঘৰ্ষৰ ফলত সকলো বাহনতে জুই লাগিছে। দুৰ্ঘটনাটোৱে ঘটনাস্থলীত বিশৃংখলতাৰ সৃষ্টি কৰে। সাহায্য আৰু উদ্ধাৰ অভিযান প্ৰায় সম্পূৰ্ণ হৈছে। এই পৰ্যন্ত ৬ জন লোকৰ মৃত্যু হোৱা বুলি নিশ্চিত হোৱাৰ বিপৰীতে অগ্নিদগ্ধ হোৱা ২৫ জন লোকক চিকিৎসালয়ত ভৰ্তি কৰোৱা হৈছে। সকলোৰে অৱস্থা সুস্থিৰ বুলি জানিব পৰা গৈছে। মৃত লোকজনৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে।
দুৰ্ঘটনাটোৰ প্ৰতি লক্ষ্য ৰাখি মুখ্যমন্ত্ৰীয়ে মৃতকৰ পৰিয়ালক দুই লাখ টকাকৈ ক্ষতিপূৰণ দিয়াৰ কথা ঘোষণা কৰিছে। লগতে আহতসকলৰ বাবে উপযুক্ত আৰু উন্নত চিকিৎসাৰ নিৰ্দেশ দিছে। জিলা দণ্ডাধীশে উল্লেখ কৰে যে আহতসকলক চিকিৎসালয়ত চিকিৎসাধীন হৈ আছে।
हिन्दुस्थान समाचार / অৰৱিন্দ
