নতুন দিল্লী, ১৪ ডিচেম্বৰ (হি.স.)। ভাৰতীয় জনতা পাৰ্টিৰ বিহাৰ চৰকাৰৰ কেবিনেট মন্ত্ৰী নীতিন নবিনক দলৰ ৰাষ্ট্ৰীয় কাৰ্যকৰী সভাপতি হিচাপে নিযুক্তি দিয়ে।

দেওবাৰে বিজেপিৰ ৰাষ্ট্ৰীয় সাধাৰণ সম্পাদক অৰুণ সিঙে প্ৰকাশ কৰা এক বিবৃতিত উল্লেখ কৰা হৈছে যে বিহাৰ চৰকাৰৰ কেবিনেট মন্ত্ৰী নীতিন নবীনক বিজেপি সংসদীয় ব’ৰ্ডে দলটোৰ ৰাষ্ট্ৰীয় কাৰ্যকৰী সভাপতি হিচাপে নিযুক্তি দিছে।

উল্লেখযোগ্য যে ৪৫ বছৰীয়া নীতিন নবীন সিনহা বৰ্তমানৰ বিহাৰ চৰকাৰৰ গড়কাপ্তানী মন্ত্ৰী। কায়স্থ সম্প্ৰদায়ৰ পৰা অহা নীতিন নবীন সিনহা বিজেপি নেতা নবীন কিশোৰ সিনহাৰ পুত্ৰ। বাংকিপুৰ বিধানসভা সমষ্টিৰ পৰা চাৰিবাৰৰ বিধায়ক হিচাপে কাৰ্যনিৰ্বাহ কৰি আহিছে নীতিন নবীন।

প্ৰতিৰক্ষা মন্ত্ৰী ৰাজনাথ সিঙে এক্সত নীতিন নবীনক অভিনন্দন জনাই লিখিছে, বিহাৰৰ এগৰাকী যুৱ আৰু শক্তিশালী নেতা নীতিন নবীনক বিজেপিৰ কাৰ্যকৰী সভাপতি হিচাপে নিযুক্তি পোৱাৰ বাবে আন্তৰিক অভিনন্দন। তেওঁ এজন নিষ্ঠাবান কৰ্মী আৰু অতি কল্পনাশক্তিৰ ব্যক্তি। প্ৰধানমন্ত্ৰী মোডীৰ প্ৰেৰণাদায়ক নেতৃত্বত তেওঁ নিশ্চিতভাৱে বিজেপিক সফলতাৰ নতুন উচ্চতালৈ লৈ যোৱাত সফল হ'ব। আমি। তেখেতৰ সফল কাৰ্যকালৰ বাবে শুভকামনা জনাইছো।

हिन्दुस्थान समाचार / অৰৱিন্দ