ঢাকা, ১৪ ডিচেম্বৰ (হি.স.) ১৯৭১ চনৰ মুক্তিযুদ্ধৰ সময়ত নিহত বুদ্ধিজীৱীসকলৰ স্মৃতিত প্ৰতি বছৰে পালন কৰা শ্বহীদ বুদ্ধিজীৱী দিৱস উপলক্ষে কৃতজ্ঞ বাংলাদেশে নিজৰ পুত্ৰসকলক স্মৰণ কৰি আছে। অন্তৱৰ্তীকালীন চৰকাৰৰ মুখ্য উপদেষ্টা অধ্যাপক মহম্মদ ইউনুছে পুৱা প্ৰায় ৭:২২ বজাত মহানগৰীৰ মিৰপুৰৰ শ্বহীদ বুদ্ধিজীৱী স্মাৰকত মাল্যাৰ্পণ কৰি শ্ৰদ্ধাঞ্জলি জ্ঞাপন কৰে।

বিএনএছৰ এক প্ৰতিবেদন অনুসৰি মুখ্য উপদেষ্টাগৰাকীয়ে দেশৰ মহান পুত্ৰসকলৰ স্মৃতিৰ প্ৰতি গভীৰ সন্মানৰ চিন হিচাপে এটা মুহূৰ্ত মৌনতা অৱলম্বন কৰে। বাংলাদেশ সশস্ত্ৰ বাহিনীৰ এটা দলে ৰাজকীয় অভিবাদনেৰে চূড়ান্ত সুৰ বজাইছিল।

ইয়াৰ পিছতে মুখ্য উপদেষ্টাগৰাকীয়ে মুখ্য ন্যায়াধীশ, অন্তৱৰ্তীকালীন চৰকাৰৰ উপদেষ্টা, শীৰ্ষ অসামৰিক আৰু সামৰিক বিষয়া, আহত সাহসী স্বাধীনতা সংগ্ৰামী আৰু শ্বহীদ বুদ্ধিজীৱীসকলৰ পৰিয়ালৰ সদস্যৰ সৈতে শুভেচ্ছা আদান-প্ৰদান কৰে। মুক্তিযুদ্ধৰ অন্তিম পৰ্যায়ত নৱোদিত বাংলাদেশক বৌদ্ধিকভাৱে দুৰ্বল কৰাৰ প্ৰয়াসত দেশৰ বিদ্বান পুত্ৰক হত্যা কৰা হৈছিল।

ইয়াৰ পূৰ্বে ৰাষ্ট্ৰপতি মহম্মদ ছাহাবুদ্দিনে পুৱা প্ৰায় ৭:০৪ বজাত শ্বহীদ বুদ্ধিজীৱী স্মাৰকত মাল্যাৰ্পণ কৰি শ্বহীদ বুদ্ধিজীৱীসকলক শ্ৰদ্ধাঞ্জলি জ্ঞাপন কৰে। উল্লেখযোগ্য যে ১৯৭১ চনৰ মুক্তিযুদ্ধৰ সময়ত পাকিস্তান সেনাই বুদ্ধিজীৱী (শিক্ষক, চিকিৎসক, সাংবাদিক, সাহিত্যিক আদি) অপহৰণ কৰি হত্যা কৰিছিল। লক্ষ্য আছিল বাংলাদেশৰ ভৱিষ্যতৰ বৌদ্ধিক আৰু সৃষ্টিশীল সম্ভাৱনা দূৰ কৰা।

हिन्दुस्थान समाचार / অৰৱিন্দ