ধুৰন্ধৰ ছবিখনৰ প্ৰচণ্ড সফলতাৰ মাজতে অভিনেতা অৰ্জুন ৰামপালৰ ব্যক্তিগত জীৱনক লৈ ডাঙৰ খবৰ ওলাইছে। অৰ্জুন আৰু তেওঁৰ দীৰ্ঘদিনীয়া মডেল প্ৰেমিকা গেব্ৰিয়েলা ডেমেট্ৰিয়াডেছে তেওঁলোকৰ সম্পৰ্কক আনুষ্ঠানিকভাৱে প্ৰকাশ কৰিছে। প্ৰায় ছবছৰ ডেটিং কৰাৰ পিছত অৰ্জুনৰ এংগেজমেণ্ট হয় তেওঁতকৈ ১৫ বছৰ সৰু গেব্ৰিয়েলাৰ সৈতে। শেহতীয়াকৈ অৰ্জুনে নিজেই এই কথা প্ৰকাশ কৰিছে ৰিয়া চক্ৰৱৰ্তীৰ প’ডকাষ্টত।
ৰিয়া চক্ৰৱৰ্তীয়ে ইনষ্টাগ্ৰামত তেওঁৰ পডকাষ্ট অধ্যায় ২ৰ ট্ৰেইলাৰ শ্বেয়াৰ কৰিছে, য'ত অৰ্জুন আৰু গেব্ৰিয়েলাই তেওঁলোকৰ প্ৰেম কাহিনী, সম্পৰ্ক আৰু পৰিয়ালৰ বিষয়ে মুকলিকৈ আলোচনা কৰা দেখা গৈছে। ট্ৰেইলাৰত গেব্ৰিয়েলাই কয়, আমি এতিয়াও বিয়া হোৱা নাই, কিন্তু কোনে জানে? অৰ্জুনে সকলোকে আচৰিত কৰি কয়, আমি এংগেজমেণ্ট কৰিছো, আৰু আমি আপোনাৰ শ্ব'ত প্ৰকাশ কৰিছো।
প্ৰেমৰ বিষয়ত গেব্ৰিয়েলাৰ মত :
প্ৰেমৰ বিষয়ে কওঁতে গেব্ৰিয়েলাই কয় যে সম্পৰ্কত প্ৰায়ে প্ৰেমৰ চৰ্ত থাকে, কিন্তু পিতৃ-মাতৃ হোৱাৰ পিছত ই সম্পূৰ্ণ নিস্বাৰ্থ হৈ পৰে। তাইৰ মতে সন্তানৰ প্ৰতি থকা প্ৰেম কোনো আশাহীন, আৰু এইটোৱেই হৈছে প্ৰকৃত প্ৰেমৰ চিনাকি।
আকৰ্ষণৰ বাহিৰলৈ যোৱা এটা সম্পৰ্ক:
গেব্ৰিয়েলাই স্পষ্ট কৰি দিলে যে তেওঁলোকৰ সম্পৰ্ক কেৱল বাহ্যিক আকৰ্ষণতে সীমাবদ্ধ নহয়। অৰ্জুনে হাঁহি হাঁহি স্বীকাৰ কৰিলে যে তেওঁ প্ৰথমে গেব্ৰিয়েলাৰ সৌন্দৰ্য্যৰ প্ৰতি আকৰ্ষিত হৈছিল যদিও সময়ৰ লগে লগে তেওঁলোকৰ সম্পৰ্কৰ বুজাবুজি, গভীৰতা আৰু আৱেগিক সংযোগ বাঢ়ি আহিল।
অৰ্জুন ৰামপালৰ পৰিয়াল:
অৰ্জুন আৰু দক্ষিণ আফ্ৰিকাৰ মডেল তথা ফেশ্বন ডিজাইনাৰ গেব্ৰিয়েলা ২০১৮ চনৰ পৰা একেলগে আছে। তেওঁলোকৰ দুজন পুত্ৰ আৰিক (জন্ম ২০১৯) আৰু আৰৱ (জন্ম ২০২৩)। ইয়াৰ পূৰ্বে অৰ্জুনে ছুপাৰ মডেল মেহৰ জেছিয়াৰ সৈতে বিবাহপাশত আবদ্ধ হৈছিল, যাৰ সৈতে তেওঁৰ দুগৰাকী কন্যা মহিকা আৰু মাইৰা আছে। ২০১৮ চনত অৰ্জুন আৰু মেহৰে পাৰস্পৰিক সন্মতি সাপেক্ষে পৃথক হোৱাৰ সিদ্ধান্ত লয়।
हिन्दुस्थान समाचार / অৰৱিন্দ
