নতুন দিল্লী, ১৩ ডিচেম্বৰ (হি.স.)। সংসদত সংঘটিত সন্ত্ৰাসবাদী আক্ৰমণৰ বৰ্ষপূৰ্তি উপলক্ষে কংগ্ৰেছকে ধৰি বিভিন্ন ৰাজনৈতিক দলৰ নেতা আৰু ৰাজ্যৰ মুখ্যমন্ত্ৰীসকলে শ্বহীদসকলক আন্তৰিক শ্ৰদ্ধাঞ্জলি জ্ঞাপন কৰে।
২০০১ চনৰ ১৩ ডিচেম্বৰত জয়ছ-ই-মহম্মদ আৰু লস্কৰ-ই-তৈবাৰ পৰা পাঁচজন সন্ত্ৰাসবাদীয়ে সংসদত আক্ৰমণ চলায়। ভাৰতীয় নিৰাপত্তাৰক্ষীয়ে নিজৰ জীৱনকো তুচ্ছ কৰি তেওঁলোকৰ পৰিকল্পনা বিফল কৰাই নহয় সকলোকে হত্যা কৰিলে। পাঁচজন দিল্লী আৰক্ষী জোৱান, এগৰাকী মহিলা কনিষ্টবল, আৰু দুজন নিৰাপত্তাৰক্ষীয়ে চূড়ান্ত ত্যাগ কৰিলে। এই ত্যাগ জাতিৰ গণতন্ত্ৰ ৰক্ষা আৰু সন্ত্ৰাসবাদৰ বিৰুদ্ধে যুঁজ দিয়াৰ অদম্য সংকল্পৰ প্ৰতীক।
সংসদত সন্ত্ৰাসবাদী আক্ৰমণৰ সময়ত প্ৰাণ আহুতি দিয়াসকলক শ্ৰদ্ধাঞ্জলি জনাই কংগ্ৰেছৰ ৰাষ্ট্ৰীয় সভাপতি মল্লিকাৰ্জুন খৰ্গে কয় যে তেওঁলোকৰ অতুলনীয় সাহস আৰু ত্যাগ জাতিটোৰ স্মৃতিত খোদিত হৈ আছে, আৰু ভাৰত সন্ত্ৰাসবাদৰ বিৰুদ্ধে ঐক্যবদ্ধ আৰু শক্তিশালীভাৱে থিয় দিছে।
উত্তৰ প্ৰদেশৰ মুখ্যমন্ত্ৰী যোগী আদিত্যনাথে সংসদত হোৱা সন্ত্ৰাসবাদী আক্ৰমণক জাতিটোৰ স্বায়ত্তশাসন, আত্মসন্মান, জনশক্তিৰ ওপৰত এক নিৰ্মম আঘাত বুলি অভিহিত কৰি সংসদৰ মৰ্যাদা ৰক্ষাৰ বাবে প্ৰাণ আহুতি দিয়া অমৰ বীৰসকলক শ্ৰদ্ধাঞ্জলি জনায়।
উত্তৰাখণ্ডৰ মুখ্যমন্ত্ৰী পুষ্কৰ সিং ধামীয়ে কয় যে জাতিৰ সুৰক্ষাৰ বাবে জোৱানসকলে যি অমৰ ত্যাগ কৰিছে সেয়া দেশবাসীৰ বাবে প্ৰেৰণাৰ উৎস।
দিল্লীৰ মুখ্যমন্ত্ৰী ৰেখা গুপ্তাই কয় যে সংসদত সন্ত্ৰাসবাদী আক্ৰমণত প্ৰাণ আহুতি দিয়া সাহসী পুত্ৰসকলৰ ত্যাগ ভাৰতৰ গণতান্ত্ৰিক আত্মাক ৰক্ষাৰ বাবে তেওঁলোকৰ অটল সংকল্পৰ প্ৰতীক, যিয়ে আগন্তুক প্ৰজন্মক অনুপ্ৰাণিত কৰি থাকিব।
हिन्दुस्थान समाचार / অৰৱিন্দ
