কলকাতা, ১৩ ডিচেম্বৰ (হি.স.)। আন্তঃৰাষ্ট্ৰীয় ফুটবল কিংবদন্তি লিয়নেল মেছিয়ে শনিবাৰে উন্মোচন কৰে তেওঁৰ বিশাল প্ৰতিমূৰ্তি। লক্ষণীয়ভাৱে মেছিয়ে নিজৰ হোটেলত থাকি ভাৰ্চুৱেলি এই মূৰ্তিটো উদ্বোধন কৰে। তেওঁৰ মূৰ্তিটো দেখাৰ লগে লগে মেছিয়ে আৱেগিক আৰু আনন্দত আত্মহাৰা যেন দেখা গ’ল।
বিশেষ প্ৰতিমূৰ্তি উন্মোচন অনুষ্ঠানত বলীউডৰ অভিনেতা শ্বাহৰুখ খানো তেওঁৰ পুত্ৰ অবৰাম খানৰ সৈতে উপস্থিত আছিল। মেছিৰ উপস্থিতি আৰু শ্বাহৰুখ খানৰ আগমনে এই অনুষ্ঠানক আৰু অধিক বিশেষ কৰি তুলিছিল।
মেছিৰ এই বিশাল প্ৰতিমূৰ্তিটোৱে বিশ্বজুৰি চৰ্চা লাভ কৰিছে। বহিঃৰাজ্যৰ তেওঁৰ বহু ফেন ক্লাবে এই প্ৰতিমূৰ্তিৰ ফটো শ্বেয়াৰ কৰিছে। প্ৰখ্যাত ক্ৰীড়া সাংবাদিক ফেব্ৰিজিঅ’ ৰোমেনোৱে প্ৰতিমূৰ্তিটোৰ এখন ফটো শ্বেয়াৰ কৰি ইয়াক ঐতিহাসিক আখ্যা দিয়ে। যদিও ইয়াৰ পূৰ্বেও প্ৰতিমূৰ্তিটোৰ আভাস প্ৰকাশ পাইছিল, এই উপলক্ষে মেছিয়ে প্ৰথমবাৰৰ বাবে নিজৰ প্ৰতিমূৰ্তিটো দেখা পাইছিল।
উত্তৰত মেছিয়ে এই সন্মানৰ বাবে গভীৰ কৃতজ্ঞতা প্ৰকাশ কৰে। তেওঁ কয় যে ইয়াত উপস্থিত হোৱাটো তেওঁৰ বাবে গৌৰৱ আৰু আনন্দৰ বিষয়। তেওঁ এই মুহূৰ্তটোক সমৰ্থকসকলৰ সৈতে ভাগ-বতৰা কৰিবলৈ বিশেষ বুলি অভিহিত কৰি উল্লেখ কৰে যে এই চহৰখনৰ আৰ্জেণ্টিনাৰ ফুটবল দলৰ প্ৰতি গভীৰ অনুভৱ আৰু প্ৰেম আছে। মেছিয়েও মুকলিকৈ তেওঁৰ প্ৰতিমূৰ্তিৰ কাৰুকাৰ্য্য আৰু ভূয়সী প্ৰশংসা কৰে।
অনুষ্ঠানত শ্বাহৰুখ খানৰ উপস্থিতিও এক আলোচনাৰ বিষয় হৈ পৰিছিল। মেছিৰ আগমনৰ এদিন পূৰ্বে কলকাতাত উপস্থিত হৈছিল শ্বাহৰুখ খান। ইতিমধ্যে তেওঁ ছ’চিয়েল মিডিয়াত ইংগিত দিছিল যে এইবাৰ তেওঁ নাইট ৰাইডাৰ্ছৰ বাবে নহয়, মেছিৰ বাবে চহৰলৈ আহিব আৰু তেওঁ নিজৰ প্ৰতিশ্ৰুতি পালন কৰিলে।
মেছিৰ আভাস পাবলৈ অনুৰাগীৰ মাজত উত্তেজনা বাঢ়ি গৈ থাকিল। আগ দিনাৰ নিশাৰ পৰাই বিমানবন্দৰ, হোটেল, ষ্টেডিয়ামৰ বাহিৰত অনুৰাগী গোট খাবলৈ ধৰিলে। মেছি অহাৰ বহু আগতেই ষ্টেডিয়ামৰ বাহিৰত দীঘলীয়া শাৰী গঠন হৈছিল, যিয়ে মেছিৰ প্ৰতি জনসাধাৰণৰ আবেগৰ পৰিচয়ৰ ইংগিত দিছিল।
हिन्दुस्थान समाचार / অৰৱিন্দ
