গোলাঘাট, ১০ ডিচেম্বৰ (হি.স.)। গোলাঘাটৰ ধোদৰআলি আৱদ্ধ কৰিলে বন্যহস্তীৰ এটা বৃহৎ দলে ৷ গোলাঘাটৰ গৰঙা চাহ বাগিচাত বৰ্তমান প্ৰায় ৬০/৭০ টা বন্যহস্তীৰ দলটোৰ বাবে ধোদৰআলি আৱদ্ধ হৈ পৰিল ৷

যোৱা নিশা ধনশিৰি নদীৰ আৱৰঘাটেদি পাৰ হৈ ভোলাগুৰি আৰু গৰঙা চাহ বাগিছাত আছিল বন্যহস্তীৰ দলটো ৷ বুধবাৰে পুৱা গৰঙা বাগান হৈ ধোদৰআলিত প্ৰবেশ কৰাত বহু লোক উপস্থিত হয় ৷ বৰ্তমানলৈকে বন্যহস্তীৰ দলটোৱে কোনোধৰণৰ ক্ষতিসাধন কৰা নাই বুলি উল্লেখ স্থানীয় লোকৰ ৷ উল্লেখ্য যে খাদ্যৰ অভাৱৰ বাবে মৰঙি অঞ্চলৰ পৰা ধনশিৰি নদী পাৰ হৈ বন্যহস্তীৰ দলটোৱে এইদৰে অৱস্থান লোৱা দেখা গৈছে ৷

হিন্দুস্থান সমাচাৰ / প্ৰকাশ ডেকা