গুৱাহাটী/কুইটো (ইকুৱেডৰ), ০৬ নৱেম্বৰ (হি.স.)। ভাৰতৰ বৈদেশিক পৰিক্ৰমা ৰাজ্যিক মন্ত্ৰী পবিত্ৰ মাৰ্ঘেৰিটাই বুধবাৰে কুইটোত ইকুৱেডৰৰ ৰাষ্ট্ৰপতি ডেনিয়েল নোব’য়া আৰু বৈদেশিক মন্ত্ৰী গেব্ৰিয়েলা ছমাৰফেল্ডৰ সৈতে সাক্ষাৎ কৰে। দুয়োগৰাকী নেতাই দ্বিপাক্ষিক সম্পৰ্কৰ বিভিন্ন দিশ আৰু ভৱিষ্যতৰ পৰিকল্পনা সন্দৰ্ভত আলোচনা কৰে। দুয়োখন দেশৰ কূটনৈতিক প্ৰশিক্ষণ প্ৰতিষ্ঠানৰ মাজত সহযোগিতাৰ বাবে এক বুজাবুজি চুক্তিও স্বাক্ষৰিত হয়।

মধ্য আৰু লেটিন আমেৰিকাৰ দেশ ভ্ৰমণৰ সময়ত কেন্দ্ৰীয় মন্ত্ৰীগৰাকীয়ে কুইট’ত ভাৰতৰ নতুনকৈ নিৰ্মাণ কৰা দূতাবাস উদ্বোধন কৰে। ইকুৱেডৰ চৰকাৰৰ কেইবাজনো মন্ত্ৰী আৰু জ্যেষ্ঠ বিষয়াৰ সৈতে সাক্ষাৎ কৰি দুয়োখন দেশৰ মাজত সহযোগিতা আৰু অধিক শক্তিশালী কৰাৰ উপায়ৰ বিষয়ে আলোচনা কৰে।

বৃহস্পতিবাৰে ছ’চিয়েল মিডিয়া প্লেটফৰ্ম এক্সত পবিত্ৰ মাৰ্ঘেৰিটাই ইকুৱেডৰৰ বৈদেশিক পৰিক্ৰমা আৰু মানৱ গতিশীলতা মন্ত্ৰী গেব্ৰিয়েলা ছমাৰফেল্ডৰ সৈতে এক উৎপাদনশীল বৈঠকত মিলিত হোৱা বুলি কয়। ৰাজনৈতিক, বাণিজ্য, ঔষধ, প্ৰশিক্ষণ আৰু সামৰ্থ্য বিকাশ, আৰু পাৰস্পৰিক অগ্ৰাধিকাৰৰ অন্যান্য ক্ষেত্ৰকে ধৰি দ্বিপাক্ষিক সম্পৰ্ক শক্তিশালী কৰাৰ উপায়ৰ বিষয়ে আলোচনা কৰা হয়। আমাৰ কূটনৈতিক প্ৰশিক্ষণ প্ৰতিষ্ঠানসমূহৰ মাজত সহযোগিতা সম্পৰ্কে বুজাবুজি চুক্তি স্বাক্ষৰ কৰে।

এই ভ্ৰমণৰ সময়ত মন্ত্ৰী মাৰ্ঘেৰিটাই ইকুৱেডৰৰ বৈদেশিক মন্ত্ৰী গেব্ৰিয়েলা ছমাৰফেল্ডৰ সৈতেও সাক্ষাৎ কৰে। দুয়োপক্ষই পাৰস্পৰিক আগ্ৰহৰ অন্যান্য ক্ষেত্ৰৰ লগতে ৰাজনৈতিক, বাণিজ্যিক, ঔষধ প্ৰশিক্ষণ, আৰু সামৰ্থ্য বিকাশৰ ক্ষেত্ৰত সহযোগিতা বৃদ্ধিৰ বিষয়ে আলোচনা কৰে।

পৰৱৰ্তী সময়ত কেন্দ্ৰীয় মন্ত্ৰীগৰাকীয়ে ইকুৱেডৰৰ গুৰুত্বপূৰ্ণ ব্যৱসায়িক প্ৰতিনিধিসকলৰ সৈতে বৈঠকত মিলিত হৈ ভাৰত আৰু ইকুৱেডৰৰ মাজত বাণিজ্যিক সম্পৰ্ক অধিক সুদৃঢ় কৰাৰ বিভিন্ন ব্যৱস্থাৰ বিষয়ে আলোচনা কৰে। এই সন্দৰ্ভত তেওঁ ছ’চিয়েল মিডিয়া প্লেটফৰ্ম এক্সত কয় যে, ইকুৱেডৰৰ ব্যৱসায়িক সম্প্ৰদায়ৰ প্ৰতিনিধিসকলক লগ পাই আনন্দিত হৈছিলো। দ্বিপাক্ষিক বাণিজ্য গভীৰ কৰাৰ বাবে ব্যৱসায়িক সম্প্ৰদায়ৰ মাজত সম্পৰ্ক শক্তিশালী কৰাৰ ক্ষেত্ৰত আমি ভাল আলোচনা কৰিছিলো।

মঙলবাৰে লেটিন আমেৰিকান ৰাষ্ট্ৰখনলৈ প্ৰথমবাৰৰ বাবে কুইটোত উপস্থিত হয় ৰাজ্যিক মন্ত্ৰীগৰাকী। ইকুৱেডৰ ভ্ৰমণৰ এই ভ্ৰমণ মাৰ্ঘেৰিটাৰ লেটিন আমেৰিকা আৰু কেৰিবিয়ান অঞ্চলৰ তিনিখন দেশ - ইকুৱেডৰ, বলিভিয়া আৰু কিউবালৈ আনুষ্ঠানিক ভ্ৰমণৰ প্ৰথম পৰ্যায়ত উপস্থিত হৈছে। এই ভ্ৰমণ ৪ৰ পৰা ১০ নৱেম্বৰলৈ অব্যাহত থাকিব।

हिन्दुस्थान समाचार / অৰৱিন্দ