ঢাকা, ২৬ নৱেম্বৰ (হি.স.)। বাংলাদেশৰ ৰাজধানী ঢাকাৰ অগ্নিনিৰ্বাপক বাহিনীয়ে সোমবাৰে কোৰাইল বস্তিত সংঘটিত হোৱা জুই নিৰ্বাপনৰ বাবে যথেষ্ট কষ্ট কৰিব লগা হয়। জুইৰ শিখা নিয়ন্ত্ৰণৰ বাবে পানীৰ নাটনি ৰোধ কৰিবলৈ কোৰাইল হ্ৰদলৈ পাইপ সম্প্ৰসাৰণ কৰা হৈছিল। অগ্নিনিৰ্বাপক বাহিনীৰ ২০খন বাহনৰ সহায়ত সন্ধিয়া ৫ বজাৰ পৰা যুঁজি থকা অগ্নিনিৰ্বাপক বাহিনীয়ে নিশা প্ৰায় ১০ বজাত জুই আংশিকভাৱে নিৰ্বাপিত কৰিবলৈ সক্ষম হয়। বিভাগীয় বিষয়াসকলে জনোৱা মতে, জুই সম্পূৰ্ণৰূপে নিৰ্বাপিত কৰাৰ প্ৰচেষ্টা অব্যাহত আছে।

ঢাকা ট্ৰিবিউন কাকতত প্ৰকাশিত এক বাতৰি অনুসৰি ঢাকা অগ্নিনিৰ্বাপক বাহিনীৰ ভাৰপ্ৰাপ্ত মুখপাত্ৰ শ্বাহজাহান শিকদাৰে নিশ্চিত কৰিছে যে মঙলবাৰে সন্ধিয়া প্ৰায় ৫ বজাত এই অগ্নিকাণ্ড সংঘটিত হয়। এখন এখনকৈ বিশখন বাহন প্ৰেৰণ কৰা হৈছিল। নিশা প্ৰায় ১০:৩৫ বজাৰ ভিতৰতে বহুলাংশে নিয়ন্ত্ৰিত হয় অগ্নিকাণ্ড। অগ্নিকাণ্ডৰ কাৰণ আৰু ক্ষতিৰ পৰিসৰ এতিয়াও জানিব পৰা হোৱা নাই।

ইয়াৰ পূৰ্বে প্ৰায় ৫:৩০ বজাত অগ্নিনিৰ্বাপক বাহিনীয়ে এক বিবৃতিযোগে কোৰাইল বস্তিত অগ্নিকাণ্ডৰ কথা নিশ্চিত কৰে। অগ্নিনিৰ্বাপক বাহিনীৰ শীৰ্ষ বিষয়া লেফটেনেণ্ট কৰ্ণেল মহম্মদ তাজুল ইছলাম চৌধুৰীয়ে কয় যে সংকীৰ্ণ পথৰ বাবে অগ্নিনিৰ্বাপক বাহিনীৰ বাহনসমূহে অগ্নিনিৰ্বাপক বাহিনীৰ কেন্দ্ৰলৈ যাবলৈ অসুবিধা পাইছিল। প্ৰথমখন বাহন আহিবলৈ ৩০-৩৫ মিনিট সময় লাগিছিল। প্ৰত্যক্ষ দৰ্শীসকলক আঁতৰোৱাত আৰক্ষীৰ সহায় লোৱা হয়।

हिन्दुस्थान समाचार / অৰৱিন্দ