নতুন দিল্লী, ২৫ নৱেম্বৰ (হি.স.)। কেন্দ্ৰীয় চৰকাৰৰ যোগ্য কৰ্মচাৰী আৰু এন পি এছৰ পৰা অৱসৰ লোৱাসকলৰ বাবে ইউনিফাইড পেঞ্চন আঁচনি (ইউ পি এছ) বাছনি কৰাৰ অন্তিম তাৰিখ ৩০ নৱেম্বৰ।মূলতঃ এই তাৰিখ ৩০ ছেপ্টেম্বৰলৈ নিৰ্ধাৰণ কৰা হৈছিল যদিও অতিৰিক্ত দুমাহৰ সময়সীমা বৃদ্ধিৰ অনুমতি দিয়া হৈছে।
বিত্ত মন্ত্ৰালয়ৰ তথ্য অনুসৰি পুৰণি এন পি এছ এৰি ইউ পি এছত যোগদান কৰিব বিচৰা কৰ্মচাৰীসকলৰ এতিয়া মাত্ৰ এসপ্তাহ বাকী আছে। যদিহে তেওঁলোকে ৩০ নৱেম্বৰৰ ভিতৰত এই বিকল্পটো বাছি লোৱা নাই তেন্তে তেওঁলোক এন পি এছত থাকিব। ন’ডেল কাৰ্যালয়সমূহে প্ৰতিষ্ঠিত প্ৰক্ৰিয়া অনুসৰি সকলো অনুৰোধ প্ৰক্ৰিয়াকৰণ কৰিব। ইউ পি এছৰ অধীনত মূল সুবিধাসমূহৰ ভিতৰত আছে চুইচ বিকল্প, কৰ ৰেহাই, পদত্যাগ আৰু বাধ্যতামূলক অৱসৰৰ সুবিধা, আৰু বহুতো। কেন্দ্ৰীয় চৰকাৰৰ সকলো যোগ্য কৰ্মচাৰী আৰু এন পি এছৰ পৰা অৱসৰ লোৱাসকলক এই সুবিধাসমূহ লাভ কৰিবলৈ সময়মতে ইউ পি এছৰ অনুৰোধ জমা দিবলৈ পৰামৰ্শ দিয়া হৈছে।
মন কৰিবলগীয়া যে ইউ পি এছ বাছি লোৱাৰ পিছত কৰ্মচাৰীসকলে ইচ্ছা কৰিলে পিছত এন পি এছলৈ ঘূৰি যোৱাৰ বিকল্প আছে। বিত্ত মন্ত্ৰালয়ে চলিত বৰ্ষৰ জানুৱাৰী মাহত ২৪ জানুৱাৰী, ২০২৫ তাৰিখৰ এফ নং এফএক্স-১/৩/২০২৪-পিআৰ নম্বৰৰ অধিসূচনাৰ জৰিয়তে যোগ্য কেন্দ্ৰীয় চৰকাৰী কৰ্মচাৰীৰ বাবে ইউপিএছক অধিসূচিত কৰিছিল।
हिन्दुस्थान समाचार / অৰৱিন্দ
