টকিঅ’, ২৫ নৱেম্বৰ (হি.স.)। টকিঅ’ত অনুষ্ঠিত ২৫ সংখ্যক গ্ৰীষ্মকালীন বধিৰ অলিম্পিকত ভাৰতে শ্বুটিঙত শক্তিশালী প্ৰদৰ্শন কৰি ৩৯টা পদকৰ ভিতৰত ১৬টা পদক লাভ কৰে, য’ত ৭টা সোণ, ৬টা ৰূপ আৰু ৩টা ব্ৰঞ্জৰ পদক আছিল। সমগ্ৰ ১০ দিন প্ৰতিযোগিতাত ভাৰতীয় শ্বুটাৰসকলে নিজৰ আধিপত্য বজাই ৰাখিছিল।
ৰাইফল শ্বুটাৰ মহিত সন্ধুৱে সৰ্বাধিক সফল শ্বুটাৰ হিচাপে মুঠ চাৰিটা পদক (দুটা সোণ আৰু দুটা ৰূপ) লাভ কৰে। তেওঁৰ পিছতে পিষ্টল শ্বুটাৰ অভিনৱ দেশৱাল আৰু প্ৰাঞ্জলি প্ৰশান্ত ধুমলে ক্ৰমে দুটা স্বৰ্ণ আৰু এটা ৰূপৰ পদক লাভ কৰে। ১০ মিটাৰ এয়াৰ ৰাইফলৰ ব্যক্তিগত আৰু মিক্সড টিম ইভেণ্টত স্বৰ্ণ জয় কৰি ধনুশ শ্ৰীকান্তই দুগুণ সফলতা লাভ কৰে। তদুপৰি মহম্মদ মুৰ্তাজাই এটা ৰূপ আৰু এটা ব্ৰঞ্জৰ পদক লাভ কৰাৰ বিপৰীতে কোমল মিলিন্দ ৱাঘমাৰে দুটা ব্ৰঞ্জৰ পদক লাভ কৰে। মহিলাৰ ১০ মিটাৰ এয়াৰ পিষ্টল শাখাত অনুয়া প্ৰসাদে স্বৰ্ণ, ৫০ মিটাৰ তিনিটা পজিচনত শৌৰ্য্য ছাইনীয়ে ৰূপৰ পদক, ৫০ মিটাৰ ৰাইফল প্ৰ’নত কুশাগ্ৰ সিং ৰাজাৱটে ব্ৰঞ্জৰ পদক লাভ কৰে।
২৫ মিটাৰ ৰেপিড ফায়াৰ পিষ্টলৰ ফাইনেলত ভাৰতীয় শ্বুটাৰ চেতন হনুমন্ত সাপকলে ষষ্ঠ স্থান দখল কৰে। ৫৬৪-৫x স্ক’ৰেৰে অৰ্হতাত তৃতীয় স্থান দখল কৰি তেওঁ ফাইনেলৰ বাবে যোগ্যতা অৰ্জন কৰিছিল। অৱশ্যে ছয় শ্বুটাৰৰ ফাইনেলত তেওঁ ৮ পইণ্টেৰে বাহিৰ হ’ল। এই ইভেণ্টত দক্ষিণ কোৰিয়াৰ চেউং-হৱা লীয়ে স্বৰ্ণ পদক লাভ কৰাৰ বিপৰীতে তেওঁৰ দেশবাসী টাই-ইয়ং কিমে ব্ৰঞ্জ আৰু ইউক্ৰেইনৰ চেৰহি অহৰডনিকে ৰূপৰ পদক লাভ কৰে।
যোৱা ২৪ সংখ্যক গ্ৰীষ্মকালীন বধিৰ অলিম্পিক (কাকেইচ ডো ছুল, ব্ৰাজিল)ত ভাৰতে মুঠ পাঁচটা পদক (৩টা সোণ, ২টা ব্ৰঞ্জ) লাভ কৰিছিল, যিটো এইখনৰ তুলনাত ঐতিহাসিক প্ৰদৰ্শন।
हिन्दुस्थान समाचार / অৰৱিন্দ
