প্ৰভাসৰ বহু প্ৰত্যাশিত ছবি দ্য ৰাজা চাবৰ বাবে দৰ্শকৰ উৎসাহ বৃদ্ধি পাইছে। প্ৰথমে ২০২৫ চনৰ ডিচেম্বৰ মাহত ছবিখনৰ মুক্তিৰ কথা আছিল যদিও পোষ্ট প্ৰডাকচন আৰু কৌশলগত কাৰণত নিৰ্মাতাসকলে মুক্তিৰ তাৰিখ পিছুৱাই দিয়ে। দৰ্শকৰ উত্তেজনা কমি নাযায় তাৰ বাবে প্ৰযোজকসকলে ছবিখনৰ প্ৰথমটো গীত “ৰিবেল” মুকলি কৰিছে, যিটো গীত মুক্তিৰ লগে লগে ছ’চিয়েল মিডিয়াত আলোড়নৰ সৃষ্টি কৰিছিল। তামিল, মালয়ালম, কানাড়া, আৰু হিন্দী ভাষাত মুক্তি পোৱা এই গীতটোত সচেত টণ্ডনে হিন্দী সংস্কৰণত কণ্ঠ দিছে। গীতটোৰ স্পন্দন, দৃশ্যৰ আকৰ্ষণ, প্ৰভাসৰ শক্তিশালী নৃত্যৰ খোজে ইয়াক জীৱন্ত কৰি তুলিছে।
হায়দৰাবাদত অনুষ্ঠিত হয় এক ভৱ্য উন্মোচন
হায়দৰাবাদৰ জনপ্ৰিয় বিমল ৭০ মিমি থিয়েটাৰত উন্মোচন কৰা হয় ৰিবেল। উন্মোচনী অনুষ্ঠানত দেখুওৱা ভিডিঅ’টোত প্ৰভাছে শক্তিশালীভাৱে ৰঙীন সাজ-পোছাক পৰিধান কৰি নৃত্য কৰি দৰ্শকক মোহিত কৰি তুলিছে। বহুদিনৰ মূৰত প্ৰভাছক ডান্স নম্বৰত দেখাটো অনুৰাগীৰ বাবে আচৰিত হোৱাতকৈ কম নাছিল। অনুৰাগীয়ে কয় যে এইটো কেৱল এটা গীত নহয়, প্ৰভাসৰ পুৰণি ডান্সিং ষ্টাৰ অৱতাৰৰ ভৱ্য প্ৰত্যাবৰ্তন।
ছবিখনৰ নতুন মুক্তিৰ তাৰিখ
বহু অপেক্ষাৰ অন্তত এতিয়া ২০২৬ চনৰ ৯ জানুৱাৰীত চিনেমাগৃহত মুক্তি পাব দ্য ৰাজা চাব। নিৰ্মাতাসকলৰ মতে ছবিখনৰ বাবে এই তাৰিখটো অধিক কৌশলগত আৰু ইয়াক ব্যাপক প্যান ইণ্ডিয়া মুক্তি দিয়া হ'ব।
हिन्दुस्थान समाचार / Arvind Rai
