নতুন দিল্লী, ২৩ নৱেম্বৰ (হি.স.)। ভাৰত আৰু ইজৰাইলে তেওঁলোকৰ প্ৰস্তাৱিত মুক্ত বাণিজ্য চুক্তি (এফটিএ) দুটা পৰ্যায়ত কাৰ্যকৰী কৰাৰ কথা চিন্তা কৰিছে যাতে দুয়োখন দেশৰ ব্যৱসায়িক সমাজে ক্ষিপ্ৰতাৰে লাভৱান হ’ব পাৰে। গোৱেলে কয় যে আমি ইয়াক দুটা পৰ্যায়ত কাৰ্যকৰী কৰাৰ কথা চিন্তা কৰিছো। আলোচনা আৰম্ভ হ’লেই এই বিষয়ে সিদ্ধান্ত লোৱা হ’ব।
কেন্দ্ৰীয় বাণিজ্য আৰু উদ্যোগ মন্ত্ৰীগৰাকীয়ে ইয়াত এক বিশেষ বৈঠকত কয় যে দুয়োজন মন্ত্ৰীয়ে প্ৰথম পৰ্যায়ৰ কাম শীঘ্ৰে সম্পূৰ্ণ হোৱাটো বিচাৰে যাতে ব্যৱসায়ী সমাজে ক্ষিপ্ৰতাৰে ইয়াৰ পৰা সুবিধা লাভ কৰিব পাৰে। দুয়োখন দেশেই উদ্ভাৱন আৰু অনুসন্ধান আৰু বিকাশে ইজনে সিজনৰ দেশলৈ কেনেকৈ অধিক বিনিয়োগ আনিব পাৰে সেই বিষয়ে অন্বেষণ কৰিব। তেওঁ কয় যে আমি যৌথ প্ৰকল্পত কাম কৰিম য’ত আমি তেওঁলোকৰ বিশেষজ্ঞতাৰ পৰা লাভৱান হ’ম আৰু তেওঁলোকে ভাৰতৰ দৰে বৃহৎ বজাৰৰ সুবিধা ল’ব পাৰিব।
বাণিজ্য মন্ত্ৰীগৰাকীয়ে জেৰুজালেমত তেওঁৰ সমকক্ষ নীৰ বৰকতৰ সৈতে এক বিশেষ বৈঠকত ইজৰাইলৰ ভাইব্ৰেন্ট ভাৰতীয় সম্প্ৰদায়ক সম্বোধন কৰি আনন্দিত বুলি ব্যক্ত কৰে। ভাষণত তেওঁ ভাৰত আৰু ইজৰাইলৰ মাজত শক্তিশালী সম্পৰ্কৰ ওপৰত গুৰুত্ব আৰোপ কৰি ইজৰাইলৰ ভাৰতীয় সম্প্ৰদায় আৰু ভাৰতৰ ইহুদী সম্প্ৰদায়ে জনসাধাৰণৰ মাজত সম্পৰ্ক বৃদ্ধিৰ ক্ষেত্ৰত কেনেদৰে গুৰুত্বপূৰ্ণ ভূমিকা পালন কৰে সেই বিষয়ে আলোকপাত কৰে। গোৱেলে ভাৰতৰ প্ৰবাসীসকলক ভাৰতৰ উন্নয়নৰ দিশত যাত্ৰাক অধিক সহায় কৰিবলৈ আহ্বান জনায়, কিয়নো দুয়োপক্ষই এই অংশীদাৰিত্বৰ সম্পূৰ্ণ সম্ভাৱনাক বাস্তৱায়িত কৰাৰ বাবে কাম কৰি আছে। দ্বিপাক্ষিক বাণিজ্য আৰু বিনিয়োগ বৃদ্ধিৰ উপায়ৰ বিষয়ে আলোচনা কৰিবলৈ ইজৰাইলত আছে বাণিজ্য মন্ত্ৰীগৰাকী। তেওঁ ৬০ জনীয়া ব্যৱসায়িক প্ৰতিনিধি দলৰ নেতৃত্ব দিছে। আনহাতে দুয়োখন দেশে এতিয়াৰ বাবে স্পৰ্শকাতৰ বিষয়বোৰ স্পৰ্শ নকৰাৰ সিদ্ধান্ত লৈছে।
ভাৰত আৰু ইজৰাইলে এই চুক্তিখনৰ বাবে আনুষ্ঠানিকভাৱে আলোচনা আৰম্ভ কৰাৰ পূৰ্বে বৃহস্পতিবাৰে সংশ্লিষ্ট বিষয়ক চৰ্ট (টাৰ্মছ অৱ ৰেফাৰেন্স বা টি অ’ আৰ)ত স্বাক্ষৰ কৰিছিল । টি অ’ আৰত সামগ্ৰীৰ বজাৰত প্ৰৱেশ, শুল্ক আৰু অশুল্ক বাধা আঁতৰোৱা, বিনিয়োগৰ সুবিধা প্ৰদান, শুল্ক পদ্ধতি সৰল কৰা, উদ্ভাৱন আৰু প্ৰযুক্তি হস্তান্তৰৰ ক্ষেত্ৰত সহযোগিতা বৃদ্ধি আৰু সেৱাৰ বাণিজ্যক প্ৰসাৰিত কৰাৰ বাবে নিয়ম সহজ কৰা আদি অন্তৰ্ভুক্ত কৰা হৈছে।
हिन्दुस्थान समाचार / অৰৱিন্দ
