শোণিতপুৰ, ২২ নৱেম্বৰ (হি.স.)। হাতত হেংদাঙ লৈ জামুগুৰিহাটত এহেজাৰ তিনিশ যুৱকৰ জয় আই অসম ধ্বনি ৷ লাচিত দিৱসত এহেজাৰ যুৱকে প্ৰতিকী নাও লৈ ৰাজপথত নামিব অসম বুক অব ৰেকৰ্ডছৰ বাবে ৷ ২৪ নৱেম্বৰত জামুগুৰিহাটত অসম বুক অৱ ৰেকৰ্ডচৰ লক্ষ্যৰে লাচিত দিৱস উদযাপনৰ প্ৰস্তুতি ৷

এই উদ্দেশ্যৰে এহেজাৰ তিনিশ যুৱকে হাতত হেংদাঙ লৈ লাচিতৰ বেশত শোভাযাত্ৰা কৰিব ৷ তাৰেই অংশস্বৰূপে জামুগুৰিহাটৰ পকামূৰা পথাৰত প্ৰস্তুতিৰ শেষ আখৰাত ব্যস্ত এইসকল সুঠাম যুৱক ৷ আজি পূৱা নদুৱাৰ সমষ্টিৰ বিভিন্ন প্ৰান্তৰ পৰা এক হেজাৰৰো অধিক যুৱক জামুগুৰিহাটৰ ঐতিহ্যমণ্ডিত পকামূৰা পথাৰত উপস্থিত হৈ শেষবাৰৰ বাবে এইদৰেই আখৰাত ব্যস্ত হোৱা দেখা যায় ৷ ইফালে এক হেজাৰ যুৱক লাচিতৰ বেশত শোভাযাত্ৰা কৰিব পৰাকৈ এখন বিশাল নাও নিৰ্মান কৰাৰ বিষয়েও জনা যায় ৷ চতিয়াৰ উদ্যমি যুৱক তথা বিধায়ক পদ্ম হাজৰিকাৰ পুত্ৰ নিৰজ নিশিম হাজৰিকাৰ একক প্ৰচেষ্টাত এই লাচিত দিৱস উদযাপন কৰা হৈছে বুলি জানিব পৰা গৈছে ৷

হিন্দুস্থান সমাচাৰ / প্ৰকাশ ডেকা