টকিঅ’, ২২ নৱেম্বৰ (হি.স.)। জাপানৰ টকিঅ’ত অনুষ্ঠিত হৈ থকা ডেফলিম্পিক ২০২৫ত ভাৰতীয় ৰাইফল শ্বুটাৰ মহিত সন্ধুৱে আন এক পদক লাভ কৰিছে। শনিবাৰে ৫০ মিটাৰ ৰাইফল ৩ পজিচন মহিলা ইভেণ্টত স্বৰ্ণ পদক লাভ কৰি প্ৰতিযোগিতাখনত পদকৰ সংখ্যা চাৰিটালৈ বৃদ্ধি কৰে।

ফাইনেলত সন্ধুৱে ৪৫৬.০ স্ক’ৰেৰে দ্বিতীয়টো স্বৰ্ণ পদক লাভ কৰে। কোৰিয়াৰ ডেন জেয়ঙে ৪৫৩.৫ পইণ্টত ৰূপৰ পদক লাভ কৰাৰ বিপৰীতে হাংগেৰীৰ মিৰা জুজানা বিয়াট’ভস্কিয়ে ৪৩৮.৬ পইণ্টেৰে ব্ৰঞ্জৰ পদক লাভ কৰে। ভাৰতৰ দ্বিতীয়গৰাকী শ্বুটাৰ নাটাছা যোশীয়ে ৪১৭.১ স্ক’ৰেৰে ফাইনেলত পঞ্চম স্থান দখল কৰে।

অৰ্হতাত মহিতে ৫৮৫-৩১x স্ক’ৰ কৰিছিল। ইয়াৰ ভিতৰত আছিল আঁঠু কঢ়াত ১৯৪ পইণ্ট, প্ৰ’নেত ১৯৮ পইণ্ট আৰু থিয় হৈ ১৯৩ পইণ্ট। ভাৰতীয় খেলুৱৈসকলে এতিয়ালৈকে ডিফলিম্পিকত ১৪টা পদক লাভ কৰিছে, য’ত পাঁচটা সোণ, ৬টা ৰূপ, আৰু তিনিটা ব্ৰঞ্জৰ পদক আছে।

हिन्दुस्थान समाचार / অৰৱিন্দ