নতুন দিল্লী, ২১ নৱেম্বৰ (হি.স.)। দক্ষিণ আফ্ৰিকাৰ বিৰুদ্ধে গুৱাহাটীত অনুষ্ঠিত হ’বলগীয়া দ্বিতীয়খন টেষ্ট খেলত ভাৰতৰ অধিনায়ক শুভমন গিল বাহিৰ হৈছে। উইকেটকীপাৰ-বেটছমেন ঋষভ পন্তক অধিনায়ক হিচাপে নিযুক্তি দিয়া হৈছে।

কলকাতা টেষ্টৰ সময়ত গিলৰ ডিঙিত স্পাজম হোৱাত তেওঁক ব্যক্তিগত চিকিৎসালয়ত ভৰ্তি কৰোৱা হৈছিল পৰ্যবেক্ষণৰ বাবে। বুধবাৰে দলৰ সৈতে গুৱাহাটীত উপস্থিত হয় যদিও বৃহস্পতিবাৰে বৰ্ষাপাৰা ষ্টেডিয়ামত অনুষ্ঠিত হোৱা আউটড’ৰ নেট চেচনত অংশ ল’ব পৰা নাছিল। এতিয়া তেওঁ অধিক মূল্যায়নৰ বাবে মুম্বাইলৈ যাত্ৰা কৰিব।

শুকুৰবাৰে এখন সংবাদমেলত পণ্টে কয় যে গিলৰ সলনি লোৱাৰ সিদ্ধান্ত প্ৰায় চূড়ান্ত হৈছে আৰু শনিবাৰে আনুষ্ঠানিক ঘোষণা কৰা হ’ব।

পণ্টে কয়, বৃহস্পতিবাৰে গম পালোঁ যে মই অধিনায়ক হ'ম। শুভমন ভালদৰে সুস্থ হৈ উঠিছে। তেওঁ খেলিব বিচাৰিছিল, কিন্তু তেওঁৰ শৰীৰে তেওঁক সমৰ্থন কৰা নাছিল। তেওঁ গিলৰ মনোভাৱকো প্ৰশংসা কৰি কয়, এজন অধিনায়ক হিচাপে আপুনি এনে এজন দলৰ নেতা বিচাৰে যিয়ে কঠিন পৰিস্থিতিতো দলৰ হৈ খেলাৰ আবেগ ৰাখে। গিলে সেই কথা প্ৰদৰ্শন কৰিলে, আৰু ই দলটোক অনুপ্ৰাণিত কৰে। ২৬ বছৰীয়া গিল দলৰ পৰা বাহিৰ হোৱাৰ লগে লগে ভাৰতৰ ৩৮ সংখ্যক টেষ্ট অধিনায়ক হ’ব ঋষভ পন্ত।

हिन्दुस्थान समाचार / অৰৱিন্দ