চিৰাং, ২১ নৱেম্বৰ (হি.স.)। ভোটাৰ তালিকাৰ বিশেষ পুনৰীক্ষণ লৈ চিৰাং জিলা আয়ুক্ত যতীন বৰাৰ সংবাদমেল । নিৰ্বাচন আয়োগৰ নিৰ্দেশ অনুসৰি আগন্তক বিধান সভা নিৰ্বাচনৰ পূৰ্বেই কাইলৈৰ পৰা ভোটাৰ তালিকাৰ বিশেষ পূনৰীক্ষণৰ কাম আৰম্ভ হব বুলি আয়ুক্ত গৰাকীয়ে সদৰি কৰে ।
কাইলৈৰ পৰাই বিএলঅ সকলে ঘৰে ঘৰে গৈ ভোটাৰ সকলৰ পূনৰীক্ষণ কৰিব । এই পুনৰীক্ষণত ১৮ বছৰ হোৱা প্ৰতিজন লোকৰ নাম ভোটাৰ তালিকাত সংযোজন আৰু অইন ঠাইলৈ গুচি যোৱা বা মৃত্যু হলে নাম কৰ্তন কৰা হব । এই সমূহ কাম সমূহ কৰিবলৈ জিলা নিৰ্বাচন আয়োগে ইতিমধ্যে প্ৰস্তুতি সম্পূৰ্ণ কৰি তুলিছে।
আজিৰ তাৰিখলৈ চিৰাং জিলাৰ চিদলী-চিৰাং আৰু বিজনী বিধানসভা সমষ্টিত মুঠ ভোটাৰৰ সংখ্যা হৈছে ৪০৬৮০৭ জন । ইয়াৰে ১৯ নং চিদলী-চিৰাং বিধানসভা সমষ্টিত ২২১১৭১ গৰাকী আৰু ২০ নং বিজনী বিধানসভা সমষ্টিত ১৮৫৬৩৬ গৰাকী ।
ইতিমধ্যে প্ৰথম পৰ্যায়ৰ বিএল অ প্ৰশিক্ষণ হৈছে দুই এদিনতে দ্বিতীয় পৰ্যায়ৰ প্ৰশিক্ষণ হব। প্ৰতিটো ঘৰত তিনিবাৰকৈ যাব লাগিব বিএলঅ সকল । আবেদন ২২ নভেম্বৰৰ পৰা ২০ ডিচেম্বৰৰ ভিতৰত কৰিব লাগিব। ২৭ ডিচেম্বৰ খচৰা তালিকা প্ৰকাশ কৰা হব । চুড়ান্ত ভোটাৰ তালিকা ১০ ফেব্ৰুৱাৰী প্ৰকাশ পাব । কোনো এজন ভোটাৰৰ নাম বাদ পৰি নাযায় তাৰ প্ৰতি লক্ষ্য ৰাখি কৰাৰ নিৰ্দেশ দিয়া হৈছে ।
আজিৰ সংবাদ মেলত বিজনী মহকুমাধিপতি অৰিজিত মহাজন, অতিৰিক্ত আয়ুক্ত সকল আৰু নিৰ্বাচনী বিষয়া সকলো উপস্থিত থাকে ।
হিন্দুস্থান সমাচাৰ / প্ৰকাশ ডেকা
